एकता समाजद्वारा अल्पत्र परेकी महिलालाई उद्धार

8425 जनाले पढ्नु भयो ।

तिलक राना

हैदराबाद, १९ नोवेम्वर । हैदरावादमा अलपत्र परेकी एक नेपाली महिलालाई मूल प्रवाह अखिल भारत नेपाली एकता समाजले उद्धार गरि स्वदेश पठाएको छ । रिता बिक र ११ महिनाकी छोरीलाई समाजले स्वदेश पठाएको हो ।

गुल्मी जिल्ला कालिगण्डकी गाउपालिका ७ भुर्तुङ निवासी हाल हैदराबाद स्थित सापुर नगरमा बस्दै आएका भबिन्द्र नेपालीले आफ्नी श्रीमति रिता बिक र ११ महिनाकी छोरीलाई छाडेर अलपत्र पारी अर्कै महिला लिएर भागेको समाचार मूल प्रवाह अखिल भारत नेपाली एकता समाज मध्य दक्षिण क्षेत्रीय समितिमा प्राप्त भएको थियो ।

त्यस पछि क्षेत्रीय समितिका सचिवालय सदस्य घनश्याम शर्मा, सल्लाहकार सदस्य सुर्य बहादुर थापा र सापुर नगर एरिया समितिका सदस्य प्रताप शर्माको प्रतिनिधि टोलीले पीडित महिलालाई भेट गरी घटनाको जानकारी लिएका थिए । कोठामा नत खाने खर्च नत साथमा पैसा नै भएकोले अति दयनीय अवस्था र जटिल समस्या रहेको सो प्रतिनिधि टोलीले क्षेत्रीय समितिमा रिपोर्ट दिएको थियो ।

यस्तो विषम परिस्थितिमा रिता बिकलाई स्वदेश पठाउने बाहेक अरु विकल्प नभएकोले मूल प्रवाह अखिल भारत नेपाली एकता समाज उत्तर हैदराबाद नगर समितिद्वारा संचालित सापुरनगर एरिया समितिको पहलमा रु. ५९०० चन्दा संकलन गरि अलपत्र परेको पत्र सहित हैदराबाददेखि बुटवलसम्म जाने बसमा उनीहरुलाई स्वदेस पठाइएको छ । हैदराबाददेखि बुटवलसम्म बस ब्यबसायिक अशोकले किराया नलिई बुटवलसम्म पुराउन सहयोग गर्नुभएको छ ।

One thought on “एकता समाजद्वारा अल्पत्र परेकी महिलालाई उद्धार

  • 21 November 2020 at 10:45 am
    Permalink

    धेरै राम्रो काम
    धन्यवाद सबै टिम लाई

    Reply

Leave a Reply

Your email address will not be published. Required fields are marked *