कुरीकुरी नभन साथी

  •   
  •  
  •  
  •  
  •  
  •  

637 जनाले पढ्नु भयो ।

  • खिमराज चालिसे (चण्डीगढ)

आफ्नै आँखा मिच्दै अरुलाई कुरीकुरी नभन साथी ।
हिडिरहेको बाटो बिराएर अदृष्य बाटो नहिड साथी ।।
प्रगतिपथमा थियौ, त्यसैले त सम्मान पनि पायौ ।
बिडम्बना तिमीले अनन्त यात्राका यात्रीलाई धोका दियौ ।।

आफ्नै आँखा ……………………………………………
हिडिरहेको बाटो ……………………………………….

सुन्छु तिमीलाई आजभोली बिछोडको वेदना पर्या छ रे ।
सुस्त–सुस्त तिमी कोठा भित्रभित्रै पो रोइरहेका छौ रे ।।
बरु अब डाँकै छोडेर रोउ साथी, मन हलुका होला ।
पश्चाताप गरी गल्ती स्वीकार गर्ने हिम्मत राम्रो होला ।।
आफ्नै आँखा ………………………………………..
हिडिरहेको बाटो ……………………………………..

लुकेर अब नरोउ साथि चौबाटो मै रुने हिम्मत गर ।
तिम्रो वेदना सबला भन “गल्ती भयो” भन्ने हिम्मत गर ।।
बाटो अझै अनन्त छ सिधै हिंडने साहास गर ए साथी ।
अरुको इशारामा हिडने होइन अन्ततः सोंच ए साथी ।।
आफ्नै आँखा ……………………………………………
हिडिरहेको बाटो ……………………………………………

ए साथी ! तिमीसँग मैले भने कैयन आशा लिएको थिए ।
हातेमालो गर्दै संगै हिडने योजना नै बनाएको थिए ।।
तर तिमी आज बिच बाटो मै यसरी किन रोकिएका छौ ?
हामीले बारम्बार रोक्दा वुझाउँदा पनि झन टाढा गयौ ।।
आफ्नै आँखा……………………………………………
हिडिरहेको बाटो ……………………………………………

Leave a Reply

Your email address will not be published. Required fields are marked *