नदीजन्य पदार्थको निर्यात रोक्न दाङमा राजमो गढवाले बुझायो ज्ञापन

  •   
  •  
  •  
  •  
  •  
  •  

35 जनाले पढ्नु भयो ।

दाङ । नदीजन्य पदार्थको निर्यात रोक्न दाङबाट राष्ट्रिय जनमोर्चा गढवा गाउँपालिका समितिले ज्ञापनपत्र बुझाएको छ ।

राजमो गढवाका इन्चार्ज दीनमणि आचार्यको हस्ताक्षरमा २०७८ जेठ २४ गते गाउँपालिका अध्यक्षलाई सो ज्ञापनपत्र बुझाइएको हो ।

कोभिड सङ्क्रमण नियन्त्रणको विषय समेत उठाइएको उक्त ज्ञापनपत्रमा भनिएको छ–

“राष्ट्रिय जनमोर्चा गढवा गाउँपालिका स्तरीय गाउँ समितिको तर्फबाट गढवा गाउँपालिका क्षेत्रभित्र भइरहेको प्राकृतिक श्रोतको दोहन मापदण्ड विपरीत मेसिन प्रयोग गरी राप्तीनदीबाट ढुङ्गा, गिटी, बालुवालगायतका नदीजन्य पदार्थ उत्खनन् गरी सङ्कलन र ढुवानी भइरहेको हुँदा सो कार्य यथाशीघ्र बन्द गरी वातावरणीय प्रभाव मूल्याङ्कन अध्ययन प्रतिवेदन आई.ई.ई. र ई.आई.ए. अनुसार कार्य मात्र गर्नु÷गराउने व्यवस्था मिलाई गढवा गाउँपालिकाभित्रका विकास निर्माणका कार्य र गढवाबासीको निजी प्रयोगको खपत भई बचेको नदीजन्य पदार्थ नेपालका अन्य भूभागमा निर्यात गर्ने र विदेश निर्यातमा पूर्ण रूपमा रोक लगाउने विषयमा राष्ट्रिय जनमोर्चा गढवा गाउँ समितिले गढवा गाउँपालिका देउखुरी दाङलाई यो ज्ञापनपत्र बुझाउँदै विश्वव्यापी रूपमा फैलिएको नयाँ भेरियन्टसहितको कोभिड–१९ बाट आक्रान्त बनेका गाउँपालिकाबासीलाई रोग र भोकबाट बचाउन, धन, जनको क्षति हुनबाट जोगाउनसमेत सुझाव दिँदै रोगको महामारीमा जनसेवाका लागि राष्ट्रिय जनमोर्चा गढवा गाउँपालिका सधैँ समर्पित हुने प्रतिबद्धता जाहेर गर्दछौँ ।”

Leave a Reply

Your email address will not be published. Required fields are marked *