निहुँ नखोज साथी

  •   
  •  
  •  
  •  
  •  
  •  

222 जनाले पढ्नु भयो ।

भक्त विश्वकर्मा

हिंजो निहुँ खोज्यौ– रातोमा सेतो किन मिसा’को ?
आज निहुँ खोज्दै छौ– त्यही सेतोमा किन रातो मिसा’को ?
सच्चाइसँग किन निहुँ खोजिरहेको साथी ?

अहिले घाटामा छोडेको वस्तु
पछि बाटोमा खोजेर कुनै हालतमा पाइने छैन
नाच्न नजानेपछि आँगनलाई
किन बेइज्जत गर्नु ?
अधिकार खोज्नेले कर्तव्यको पनि पालना गर्नु
आफ्नो होस गुमाउने
अनि, किन संगीलाई दोष लाउने ?

सँगै सहयात्रा गर्ने मन भए
अझै पनि आत्मालोचित बन
आउ, कत्ति पनि लाज नमानी
श्रमजीवी वर्गको पक्षमा लागौँ
जालीफटाहले चलाएको राज्यसत्ता
गरिखाने जनताको लालकिल्ला बनाऊँ
विश्वमा समाजवाद ल्याउन
कम्मर कसेर लागौँ साथी हो ।

राम्रो अर्ती र ओखती सधैँ तितो हुनेगर्छ
तितो सहने बानी बसालौँ
किनकि, यथार्थ तितो
अनि, सत्य हुने गर्दछ
आफ्नो थैलीको मुख मज्जाले बान्ने गरौँ
साथीलाई कहिल्यै दोष नलगाऊ ।

कठिन परिस्थितिमा कठिन निर्णय नलिँदा
क्रान्तिकारी ब्राण्ड बच्दैन
हिजोको इतिहास साछी छ
उम्लेको दुध खरानीमै जान्छ
समय छँदै सुध्रिनुको मज्जा बेग्लै हुने छ
आऊ बाटो बिराउन थालेका साथीहरू
सुनौलो यात्रामा सहकार्य गरौँ ।

तिम्रो पनि यसमा धेरै लगानी छ
लगानी गरेको ठाँउमा अथाह माया हुने गर्दछ
साथी हो कि त सत्यता आफैले जानौँ
कि त सम्झाएको मानौँ
बुढो गोरुले भिर खोजे झैँ भिर नखोजौँ
र, निहुँ पनि नखोजौँ
वर्गीय आन्दोलनबाट विचलित नहोऊ
न्यायपूर्ण आन्दोलनसँग दुरी नबढाऊ ।

हामी जस्तो ठाउँमा छौँ,
यो हाम्रो मूलघरले बनाइदिएको हो
घरले कसैलाई पक्षपात गर्दैन
न त कसैलाई तिरस्कार गर्छ
अर्काको घर राम्रो मानी विचलित हुँदा
पश्चातापमा अवश्य परिन्छ
धोबीको कुत्ताजस्तै भइन्छ
कि त अवसरपछि लाग्दा
दलाल, नोकरशाही अनि, प्रतिक्रियावादी खेमामा पुगिन्छ
भ्रष्टाचारी भइन्छ ।
पहिला पहिलाका अति क्रान्तिकारी बनी
हाल पतन भएका कामरेडजस्तै
इतिहास बिगारेर जनताबाट तिरस्कृत भइन्छ
स्वार्थी र बदमासको कित्तामा पुगिन्छ ।

निहुँ खोजेर बनेको घर नभत्काऊ
खबरदार ! धेरै भ्रम नफैलाऊ
योभन्दा ज्यादा सत्रुता नअपनाऊ
योभन्दा धेरै नांगो नाच नदेखाऊ
योभन्दा धेरै नांगो नाच नदेखाऊ ।

Leave a Reply

Your email address will not be published. Required fields are marked *