भारतका विभिन्न शहरमा संसद विघटन विरुद्ध सभा सम्पन्न

  •   
  •  
  •  
  •  
  •  
  •  

2860 जनाले पढ्नु भयो ।

खिमराज चालिसे,

श्रीगंगानगर । मूल प्रवाह अखि भारत नेपाली एकता समाजले भारतका विभिन्न शहरहरुमा संघीयता विरुद्धको आन्दोलनप्रति ऐक्यवद्धता जारी राखेको छ । संघीयताको खारेजी, राष्ट्रियताको रक्षा तथा भ्रष्टाचार विरुद्ध राष्ट्रिय जनमोर्चाले सञ्चालन गरेको आन्दोलनप्रति मूल प्रवाहले भारतव्यापी एक्यवद्धता जनाएको हो ।

यस्तै, हालै भएको प्रतिनिधि सभा विघटनविरुद्ध पनि मूल प्रवाहले विरोध जनाएको छ । त्यससँगै शनिबार भारतका विभिन्न स्थानमा १२८ औँ माओ जयन्ती मनाइएको छ ।

‘देश बचाउने हरेक आन्दोलनमा भारतस्थित नेपालीहरुको महत्वपूर्ण योगदान छ । ओलीको असंवैधानिक, अप्रजातान्त्रिक र फासीवादी निर्णयका विरुद्ध सर्वत्र विरोध हुनैपर्छ’ उक्त कुरा मूल प्रवाह सुदूरपश्चीमोत्तर क्षेत्रीय समितीद्वारा सञ्चालित श्रीगंगानगर नगरसमितीको आयोजनामा भएको कार्यक्रममा मूल प्रवाहका केन्द्रीय सदस्य कृष्ण जीसीले बताउनु भएको हो ।

ओली सरकारको अप्रजातान्त्रिक र असम्वैधानिक कदमको जोडदार विरोध गर्दै गणतंत्र राष्ट्रियता, धर्म निरपेक्षताको रक्षार्थ आवाज, उठाउदै संघीयता, भ्रष्ट्राचार र प्रतिगमनकारी क्रियाकलापको विरोध गर्दै बोल्ने अन्य वक्ताहरुमा केन्द्रीय सदस्य तथा क्षेत्रीय सचिव त्रिभुवन भट्टराई, महिला क्षेत्रिय विभागकी कोषाध्यक्ष सुनिता भट्टराई,महिला क्षेत्रीय विभाग सदस्य वसन्ता नेपाली, महिला नगर विभागकी कमला खडका, कल्पना न्यौपाने, खेल विभागका हरि प्रसाद न्यौपाने, रक्तिमका हुकुमबहादुर जीसी, जागेश्वर न्यौपाने, रेशम खडका, हेमराज न्यौपाने, शुकदेव रिजाल, तेजपाल भण्डारी, लगाएत हुनुहुन्थ्यो ।

गिरुप्रसाद न्यौपानेको अध्यक्षता तथा रेशम भण्डारीको सञ्चालनमा सम्पन्न कार्यक्रममा रक्तिम कलाकार तथा हुकुम बहादुर जीसीले स्वागत गर्नुभएको थियो।

रोपडमा मनाइयो १२८ औँ माओ दिवस
अन्तर्राष्ट्रिय एकताको लागी नेपाली जनताको मंच रोपडको आयोजनामा विश्व सर्वहारा वर्गका महान नेता तथा नयाँ जनवादी क्रान्तिको सिद्धान्तका प्रतिपादक माओको १२८औँ जन्मदिवस मनाइएको छ ।

कार्यक्रममा मूल प्रवाह केन्द्रीय सदस्य एवम् क्षेत्रीय अध्यक्ष प्रेम सापकोटा, क्षेत्रीय जनजाती विभागका बीलबहादुर गुरुङ, मूल प्रवाह क्षेत्रीय सदस्य शिवलाल लामिछाने, महिला क्षेत्रीय विभागकी खगी थापा, राजमो नवलपुरकी सोभा सापकोटा, रक्तिम विभागका मनकाजी गुरूङ, मूल प्रवाह नगर समितिका सोभाराम सापकोटा, महिला नगर विभागकी लक्ष्मी गुरुङ, रक्तिमका मदन थापा, घनौली टोलका खुम बहादुर वैदावार लगाएत हुनुहुन्थ्यो।
समारोह छविलाल सापकोटाको अध्यक्षतामा एवम् दयाराम लामिछानेको संचालनमा सम्पन्न भएको थियो भने उपस्थित सबैलाई प्रजापती सापकोटाले स्वागत गर्नुभएको थियो।

चण्डीगढमा पनि मनाइयो माओ जयन्ती
अन्तर्राष्ट्रिय एकताको लागि नेपाली जनताको मञ्च चण्डीगढको आयोजनामा माओत्से तुङको १२८औँ जन्मदिवस मनाइएको छ । कार्यक्रमलाई प्रमुख अतिथिको रुपमा मूल प्रवाहका केन्द्रीय सदस्य दिनेश खड्काले सम्बोधन गर्नुभएको थियो ।

त्यस क्रममा खड्काले भन्नुभयो, अन्तर्राष्ट्रिय रुपमा नै माक्र्सवाद, लेनिनवाद तथा माओविचारधारा रक्षात्मक अवस्थामा रहेको र विभिन्न खाले वामपन्थी आवरण भित्रका अवसरवादीहरु समेतबाट कम्युनिस्ट आन्दोलनमा कैयन् प्रकारले आक्रमण भइरहेको वर्तमान परिवेशमा माओदिवस मनाउनुको ऐतिहासिक महत्व छ ।’

सो समारोहमा मूल प्रवाहका केन्द्रीय सल्लाहकार तिलक पौडयाल, केन्द्रीय सल्लाहकार तथा नेपाली समाचारका संयोजक खिमराज चालिसे, मूल प्रवाह क्षेत्रीय सल्लाहकार एवम् महिला क्षेत्रीय विभागकी सचिव जुना चालीसे, जनजाति विभागका थमन थापा, महिला क्षेत्रीय विभागकी सिमा खडका, महिला क्षेत्रीय सदस्य एवम् नगर संयोजक माया आचार्य, समता विभागका लीला विक, रक्तिम विभागका अर्जुन विक, विद्यार्थी क्षेत्रीय सदस्य सुरज चालिसे, विद्यार्थी नगर सह सचिव वनिता अर्याल, लगाएत हुनुहुन्थ्यो।

तेजबहादुर रोकाको सञ्चालन तथा मानबहादुर केसीको अध्यक्षतामा सम्पन्न सो समारोहमा किसन खनालले स्वागत गर्नु भएको थियो। अन्त्यमा महिला क्षेत्रीय विभागकी सचिव जुना चालीसेले स्वरचित ‘माओविचारधाराको हामी रक्षाकवच बनौँ’ शिर्षकको कविता वाचन गर्नुभएको थियो।

Leave a Reply

Your email address will not be published. Required fields are marked *