मसाल महामन्त्री सिंह फेरि अस्वस्थ

शेयर यहाँबाट गर्नुहोस्
  •   
  •  
  •  
  •  
  •  
  •  

622 जनाले पढ्नु भयो ।

नेकपा (मसाल) का महामन्त्री मोहनविक्रम सिंहको स्वास्थ्यमा फेरि समस्या देखिएको छ । केही दिनअघि कोरोना संक्रमित भइ उपचार पछि स्वास्थ्य लाभ गरिरहेका सिंहको स्वास्थ्यमा समस्या देखिएको हो ।

उहाँलाई तीन दिनदेखि साँझपख ज्वरो आउने गरेको उहाँकी पत्नी एवम् राष्ट्रिय जनमोर्चाका उपाध्यक्ष दुर्गा पौडेलले जानकारी दिनुभयो । त्यसका साथै निमोनियाको समस्या भएको र अक्सिजनको लेभल घटबढ भएको उहाँले बताउनुभयो ।

महामन्त्री सिंहलाई आज (आइतबार) ह्याम्स अस्पताल लगिएको थियो । उहाँको छातीको एक्सरेलगायत केही परीक्षण गरिएको छ । छातीमा निमोनिया देखिएको र रगत परीक्षणको रिपोर्ट आउन बाँकी छ ।

अस्पतालले उहाँलाई पाँच दिनको लागि एन्टिबायोटिक औषधि दिएको छ । र, एक हप्तापछि पुनः फ्लोअपमा बोलाएको छ । सिंहको अन्य स्वास्थ्य अवस्था सन्तोषजनक रहेको पौडेलले बताउनुभयो ।

Leave a Reply

Your email address will not be published. Required fields are marked *