युएई नेपाली एकता समाजका पूर्व केन्द्रीय अध्यक्ष तथा केन्द्रीय सल्लाहकार कृष्ण केसीलाई बिदाइ

शेयर यहाँबाट गर्नुहोस्
  •   
  •  
  •  
  •  
  •  
  •  

167 जनाले पढ्नु भयो ।

केपी विरही, युएई

युएई नेपाली एकता समाजका केन्द्रीय सल्लाहकार कृष्ण केसीलाई बिदाइ गरिएको छ । करिब दुई दशक युएईमा काम गर्दै युएई नेपाली एकता समाजमा आबद्ध भइ दुई कार्यकाल केन्द्रीय अध्यक्ष र सल्लाहकारमा रही काम गरेर स्वदेश (बागलुङ) फर्कन लाग्नुभएकाले केसीलाई शुक्रवार युएई नेपाली एकता समाज केन्द्रीय समितिले सम्मानका साथ बिदाइ गरेको हो ।

उहाँलाई युएई नेपाली एकता समितिले अबिर तथा दोसल्ला ओढाएर बिदाइ गरेको हो । युएई नेपाली एकता समाज केन्द्रीय समितिका सदस्य टेक थापाको अध्यक्षतामा तथा केन्द्रीय सचिव केपी विरहीको सञ्चालनमा सम्पन्न कार्यक्रममा महिला विभागकी केन्द्रीय समिति उपाध्यक्ष मीना घिमिरेले स्वागत गर्नुभएको थियो ।

केन्द्रीय सल्लाहकार लेखनाथ अधिकारीले अबिर तथा दोसल्लासहित केसीलाई सम्मान गर्नुभएको थियो भने केन्द्रीय सदस्य टेक थापा र महिला विभाग केन्द्रीय अध्यक्ष बिनु केसीले घडी भेट गर्नुभएको थियो।

उहाँको योगदानको चर्चा गर्दै शुभकामना दिने वक्ताहरूमा उमलकुइन क्षेत्रीय अध्यक्ष खुमराज पौडेल, सदस्यहरु किरण सापकोटा, शिव पाठक, महिला विभागका सल्लाहकार दुर्गा अधिकारी, सचिव पार्वता केसी, एकता समाज महिला विभाग केन्द्रीय अध्यक्ष बिनु केसी, सदस्य उषा भन्डारी, जानका खनाल, बागलुङ सेवा समाजका अध्यक्ष रत्न विक, हेमराज पौडेल, स्याङ्जा सहयोग समाजका अध्यक्ष तथा भूतपूर्व युएई नेपाली एकता समाज महासचिव प्रेम भन्डारी, विष्ण् गैरेलगाएत हुनुहुन्थ्यो ।

दुबई स्थित पृपिरिएसन कम्पनीमा कार्यरत केसी सेवानिवृत्त हुनुभएको छ । उहाँ सन् २००२ देखि युएई नेपाली एकता समाजका विभिन्न जिम्मेवारी निभाउँदै आउनुभएको थियो। सेवानिवृत्त कृष्ण केसीले स्वदेशमा राष्ट्रिय जनमोर्चासम्बद्ध भएर काम गर्ने प्रतिबद्धता व्यक्त गर्नुभएको छ ।

Leave a Reply

Your email address will not be published. Required fields are marked *