रहर कसलाई थियो

1160 जनाले पढ्नु भयो ।

केशव गाहा (पाल्पाली)

रहर कसलाई थियो र परदेशी हुनलाई
जहान परिवार सम्झेर धरधरी रुनलाई ।।

बुझिदे सरकार नेपाली जनताको दुख पींडा
नपार बाध्यतामा अर्काको जुठाभाँडा धुनलाई ।।

उकाली र ओराली बोकेर हलो कुटो र कोदाली
देशमै सदुपयोग गर्छौं पसिना र खुनलाई ।।

कुर्चीकै लडाईमा देशको विकास हराई सक्यो
उडेर मानिसले लौ हेर छोईसके जूनलाई ।।

दलाली छोडेर देशप्रेमी बन ए दुष्ट नेता हो
रोकेर रोकिदैन विकासको गन्तव्य छुनलाई ।।

Leave a Reply

Your email address will not be published. Required fields are marked *