राजमो उपाध्यक्ष दुर्गा पौडेलको स्पष्टीकरण

  •   
  •  
  •  
  •  
  •  
  •  

324 जनाले पढ्नु भयो ।

काठमाडौं । राष्ट्रिय जनमोर्चाका उपाध्यक्ष दुर्गा पौडेलले केही सञ्चारमाध्यमहरुमा आफ्नो पद राजमो अध्यक्ष भनेर उल्लेख गरिएकोप्रति ध्यानाकर्षण भएको बताउनुभएको छ ।

विपक्षी पाँच दलको वक्तव्यका सन्दर्भमा आएको समाचारमा कतिपय सञ्चारमाध्यमले पौडेललाई राष्ट्रिय जनमोर्चा, अध्यक्ष भनेर उल्लेख गरेका छन् । हिजो (मंगलबार) जारी पाँच दलीय शीर्ष नेताहरुको वक्तव्यमा पौडेलको पद भने ‘उपाध्यक्ष’ नै लेखिएको छ ।

उपाध्यक्ष पौडेलले बुधबार जारी गर्नुभएको स्पष्टीकरणमा पौडेलले लेख्नुभएको छ, ‘कतिपय सञ्चारमाध्यममा मेरो पद राष्ट्रिय जनमोर्चाको अध्यक्ष भनेर उल्लेख गरिएकोप्रति मेरो ध्यानाकर्षण भएको छ । म राष्ट्रिय जनमोर्चाको अध्यक्ष नभएर उपाध्यक्ष तथा प्रवक्ता भएको स्पष्ट पार्न चाहन्छु ।

हाम्रो पार्टीको अध्यक्ष का. चित्रबहादुर केसी हुनुहुन्छ । गएको २०७७ चैत्र २४ देखि २६ सम्म बुटवलमा सम्पन्न पार्टीको चौथो राष्ट्रिय सम्मेलनले निर्वाचित गरेका पदाधिकारीबारे सार्वजनिक रुपले नै थाह भएको कुरा हो, जसमा कुनै परिवर्तन भएको छैन ।

हाल विपक्षी पाँच दलीय गठबन्धनको शीर्ष तहको बैठकमा सहजताका कारण प्रायः म उपस्थित हुने गरेको छु । संयुंक्त वक्तव्यमा पनि प्रायः मैले नै हस्ताक्षर गर्ने गरेकी छु, त्यसरी हस्ताक्षर गर्दा पद उपाध्यक्ष नै लेख्ने गरिएको पनि स्पष्ट पार्न चाहन्छु ।’

हाल राष्ट्रिय जनमोर्चाका अध्यक्ष चित्रबहादुर केसी भैरहवामा हुनुहुन्छ । निषेधाज्ञालगायतका कारण केसीलाई काठमाडौं आउन जान सहज छैन । पाँच दलीय शीर्ष नेताहरुको बैठकमा उपाध्यक्ष पौडेल सहभागी हुने गर्नुभएको छ ।

राजमोको चौथो राष्ट्रिय सम्मेलनबाट अध्यक्षमा केसी, कार्यकारी अध्यक्ष रश्मीराज नेपाली, उपाध्यक्ष दुर्गा पौडेल र जनकराज शर्मा, महासचिव मनोज भट्ट, सचिवमा हिमलाल पुरी र कोषाध्यक्षमा मधु क्षेत्री निर्वाचित हुनुभएको थियो । केन्द्रीय सदस्य कृष्ण थापालाई कारबाही गर्नुबाहेक राष्ट्रिय जनमोर्चाको उक्त समितिमा फेरबदल भएको छैन ।

Leave a Reply

Your email address will not be published. Required fields are marked *