राजमो नेता न्यौपानेद्वारा आफ्नो घर क्वारेन्टिन बनाउने घोषणा

  •   
  •  
  •  
  •  
  •  
  •  

2741 जनाले पढ्नु भयो ।

शंकर प्रसाद पोख्रेल, प्युठान ।
राष्ट्रिय जनमोर्चा प्युठानका नेता भरतमणी न्यौपानेले आफ्नो घर कोरोना संक्रमित व्यक्तिका लागि क्वारेन्टिन बनाउन दिने घोषणा गर्नुभएको छ । राजमो निकट अखिल नेपाल युवक संघका पूर्व केन्द्रीय सदस्य न्यौपानेले प्युठान नगरपालिका–८ बाग्दुलामा रहेको आफ्नो घरको एउटा हल होम क्वारेन्टिनस्थल बनाउन दिने बताउनुभएको हो ।

निजी अस्पतालहरुले सामान्य ज्वरो आएको बिरामीलाई भर्ना गर्न समेत हिक्किचाइरहेको बेला न्यौपानेको यो घोषणा उदाहरणीय बनेको छ ।

न्यौपानेले देशमा बिपत्ति आएको बेला आफूले समाजका लागि केही गर्नुपर्छ भनेर यस्तो निर्णय गरेको बताउनुभयो ।

युगदर्शनसँग कुरा गर्दै न्यौपानेले भन्नुभयो, ‘विपत्तिको सामना सबै मिलेर गर्ने हो । मैले समाजका लागि सानो सहयोग गर्न खोजेको मात्रै हुँ । हामी सबैले साथ दियौं भने सम्भावित ठुलो विपत्तिबाट देश र जनतालाई बचाउन सक्छौं ।’

Leave a Reply

Your email address will not be published. Required fields are marked *