श्रीगंगानगरमा मूल प्रवाहको संगठन निर्माण जारी

  •   
  •  
  •  
  •  
  •  
  •  

276 जनाले पढ्नु भयो ।

श्रीगंगानगर। मूल प्रवाह अखिल भारत नेपाली एकता समाजका सचिव त्रिभुवन भट्टराईले संगठनभित्र देखा पर्ने गलत प्रवृतिको सशक्त प्रतिवाद गर्नुपर्ने बताउनुभएको छ ।

श्री गंगानगर नगर समितिद्वारा सञ्चालित संगठन निर्माण अभियान अन्तर्गत सिटी एरिया समितिको डेन्टल कलेजको टोल भेला उदघाटन गर्दै सचिव भट्टराईले सैद्धान्तिक, राजनैतिक र सांगठानिक रुपमा गलत प्रवृतिको प्रतिवाद गरेर मूल प्रवाहको गौरवमय इतिहासको संरक्षण गर्नुपर्ने बताउनुभयो ।

मूल प्रवाह सुदूरपश्चिमोत्तर क्षेत्रको श्रीगंगानगर नगर समितिले व्यापकरुपमा संगठन निर्माण अभियान तीव्र गतिमा सञ्चालन गरिएको सन्दर्भमा थप दुईवटा टोल समितिहरु निर्माण गरिएको छ ।

डेन्टल कलेज ‘ए’ टोल समिति

मूल प्रवाहका सचिव भट्टराईले उद्घाटन गर्नुभएको भेलामा सुदूरपश्चिमोत्तर क्षेत्रकी महिला नेत्री वसन्ता नेपालीले फुटपरस्त तत्वहरुले फैलाइएका विभिन्न भ्रमहरुविरुद्ब एकजुट हुन आह्वान गर्नु भएको थियो ।

भेलाले अंकुर नेपालीको अध्यक्षतामा १३ सदस्सीय डेन्टल कलेज ‘ए’ टोल समिति गठन गरेको छ । जसमा सचिव सम्झना नेपाली, कोषाध्यक्ष कमला नेपाली, सदस्यहरु पप्पु नेपाली, काली नेपाली, रिचा नेपाली, राजन नेपाली, कटुरी नेपाली, बादल नेपाली, अस्मान नेपाली, मेघे नेपाली, सान्ता नेपाली, राम बहादुर नेपाली रहनु भएको छ ।

कार्यक्रम हुम बहादुर विकको अध्यक्षता तथा वसन्त भन्डारीको सञ्चालनमा सम्पन्न भएको हो । उपस्थित सबैलाई नगर अध्यक्ष गिरुप्रसाद न्यौपानेले स्वागत गर्नुभएको थियो ।

डेन्टल कलेज ‘बी’ टोल समिति

मूल प्रवाह अखिल भारत नेपाली एकता समाज श्री गंगानगर नगर समितिद्वारा सन्चालित सिटी एरीया समिति अन्तर्गत डेन्टल कलेजमा केन्द्रीय सचिव त्रिभुवन भट्टराईको उपस्थितिमा अर्को भेला भएको छ ।

भेलामा नगर अध्यक्ष गिरुप्रसाद न्यौपाने, नगर सचिव वसन्त भन्डारी, महिला नेत्री वसन्ता नेपालीको विषेश उपस्थितिमा आयोजित भेलामा मूल प्रवाहको इतिहास तथा समसामयिक विषयमा प्रशिक्षण पश्चात ११ सदस्यीय डेन्टल कलेज ‘बी’ टोल समितिको निर्माण भएको छ ।

समितिको अध्यक्ष बरमे नेपाली, सचिव सम्झना नेपाली, कोषाध्यक्ष वसन्ती नेपाली, सदस्यहरुमा बिस्ना नेपाली, सान्ले नेपाली, अनिता नेपाली, सीमा नेपाली, जितु नेपाली, सविन नेपाली, अंकित नेपाली, कलामे नेपाली रहनु भएको छ ।

कार्यक्रम हुम बहादुर विकको अध्यक्षता तथा वसन्त भन्डारीको सञ्चालनमा सम्पन्न भेलाको स्वागत गिरुप्रसाद न्यौपानेले गर्नुभएको थियो ।

Leave a Reply

Your email address will not be published. Required fields are marked *