फुचुँग्री :– काका ? गण्डकीको कृष्ण थापा प्रकरणले ता वलिको कुर्सि पनि लपेटेछ नि है ।
काका :– दलिय प्रणाली मिचेर स्वतन्त्र मतदान गर्ने फुकुवा प्रथामा जाँदाको नोक्सानी हो नानी ।
फुचुँग्री :– जननिर्वाचित सभासदहरु प्रधानमन्त्री बनाउन अदालतमा जानुपर्ने काका ?
काका :– हो त नानि, तिमिहरुको दल यो हो भनेर अदालतले भनिदिनु पर्ने, प्रधानमन्त्री अदालतले तोकिदिनु पर्ने, परमादेशको दुनियाँमा प्रवेश गरेको छ बल्ल ।
फुचुँग्री :– कहि कतै नभाको जात्रा हाँडी गाउँमा भनेको जस्तो पो भयो नि काका ?
काका :– क्रान्तिकारीहरू यस्तो विषम परिस्थितिमा देश र जनताको हितमा पार्टी र क्रान्तिको लागि एकदमै चनाखो हुनुपर्ने समयको माग हो ।
फुचुँग्री :– जननिर्वाचित सभासदहरुलाई रिंगाउने घुमाउने खेल कताबाट हुन्छ काका ?
काका :– यि सबै खेल दक्षिण तिरको खुफिया एजेन्सीको निर्देशनमा भएको हो भन्ने कुरामा दुई मत छैन । हिन्दु राज्य र राजतन्त्र फर्काउने नियोजित ढंगले खेल भइरहेको छ ।
फुचुँग्री :– काका ! कतै ति खुफिया एजेन्सीले परमादेशबाटै राजतन्त्र र हिन्दू राज्य घोषणा गर्ने त होईनन् ?
काका :– उफ । के के सोध्छे यो फुचुँग्री पनि !
कोटफुर्से
