दिप गोले
फेरि ‘राजा आऊ, देश बचाऊ !’ कति लाजमर्दो कुरा !
दिसा पुछी फालेको लौरी फेरि टिप्ने लाजमर्दोका कुरा !
कति बेकुप छन् नेपाली समाज चाहियो भन्दै फेरि
सडक अनि सदनमा नाटक खेल्ने लाजमर्दोका कुरा !
सामान्तको नाइके हो भन्दै निकाल्यौ दरबारबाटै
फूलमाला पैर्याई भित्र्याउन खोज्ने लाजमर्दोका कुरा !
राजावादीहरू त्यसै आ,छैन् सडक अनि सदनमा
डलरको पोकोमा नाच नाच्ने लाजमर्दोका कुरा !
नेपालमा थुप्रै जन्मे माता अनि भविष्यवाणीहरू
आफ्नै भविष्य नदेखी अरूको बताउने लाजमर्दोका कुरा !