#रबि पौडेल (पाण्डेचरी)

घुमिफिरि तिज आयो नाच्नु गाउनु रमाउनु
दिदिबहिनी सबैलाई शुभकामना -३

बेदनाका पोकाहरु हाँसीहाँसी फुकाउनु
पिर मर्का दुःख पनि किन लुकाउनु -३

जुटेका छौं दिदिबहिनी कम्मर भाँचि नाच्ने हो
पिर मर्का दुःख सुख हाँसो बाड्ने हो- ३

पोहोर साल कोरोनाले सबलाई रुने बनायो
अहिले फेरि महङगिले रुने बनायो -३

श्रीमानको कमाई थोरै आशा धेरै पलाउँछन्
भित्रभित्रै समस्याले मनै जलाउँछन् -३

चुलोचौको सबै काम नारीले नै समाल्छौ
मौका पाए राज्यसत्ता पनि चलाउछौ -३

अधिकार खोज्नु पर्छ राजनीतिमा पसेर
सधैं भरि चुलोचौका हुन्न बसेर -३

पचास प्रसेन्ट अधिकार राजनीतिमा खोज्ने हो
समानताको बाटो खोज्न अघि बढ्ने हो -३

हकअधिकार त्यसै आउन्न लडाइँ लड्नु पर्दछ
लडाइँ जिते अधिकार हातमा आउने छ -३

नारी मुक्ति आन्दोलन लाई सार्थक पारौ हामीले
हेप्ने छैनन् त्यसपछि प्रतिगामीले -३
मिति : ५ अगस्त २०२२