रामप्रसाद पौडेल,
हैदराबाद । मूल प्रवाह अखिल भारत नेपाली एकता समाज मध्य हैदराबाद नगर समितिद्वारा सञ्चालित कुशाइगुडा एरिया समितिकी सदस्य कल्पना रम्तेललाई स्वदेश बिदाइ गरिएको छ । कुशाइगुडा एरिया समितिले एक कार्यक्रमको आयोजना गरि उहाँलाई स–सम्मान बिदाइ गरेको हो ।
एरिया समितिका अध्यक्ष रामबहादुर आलेको अध्यक्षतामा भएको बिदाइ समारोहको सञ्चालन सोमबहादुर आले र स्वागत मिना गुरुङले गर्नुभएको थियो ।
सम्मानित व्यक्तित्वलाई शुभकामना दिँदै हैदराबाद नगर समितिका सदस्य सिर्जना खत्रीले कल्पनाले ले संगठनमा पुर्याएको योगदानको बारेमा चर्चा गर्नुभयो । उहाँले स्वदेशमा गएर पनि यहाँ भन्दा अझ सकृय भएर राष्ट्रिय जनमोर्चामा आबद्ध भै हमेशा शोशित पीडित जनताको पक्षमा काम गर्न सुझाव दिनुभयो ।
त्यस्तै हिरा खत्रीले पनि सधैँ आफ्नो हक अधिकार प्राप्त गर्नको लागि इमानदारीपूर्वक काम गर्नुपर्ने भन्दै देशभित्र राष्ट्रिय जनमोर्चा मात्रै देश र जनताको पक्षमा काम गर्ने सच्चा पार्टी भएकोले सोही पार्टीमा निरन्तर लाग्नुपर्ने बताउनुभयो ।
कल्पना रम्तेलले पनि आफू स्वदेश गएर आफू सक्दो र क्षमता अनुसार संगठनमा काम गर्ने प्रतिबद्धता ब्यक्त गर्दै सबैलाई धन्यवाद दिनुभएको थियो ।
कल्पना रम्तेल तनहुँको भानु नगरपालिका वडा न ६ मैबल गाउँ निवासी हुनुहुन्छ ।
