हैदराबाद । मूल प्रवाह अखिल भारत नेपाली एकता समाज मध्य दक्षिण क्षेत्रीय समितिको आयोजनामा क्षेत्रीय प्रशिक्षण कार्यक्रम सम्पन्न भएको छ ।
कार्यक्रममा मूल प्रवाहका केन्द्रीय उपाध्यक्ष प्रेम पौडेल, केन्द्रीय सदस्यहरू भीमबहादुर थापा, रामप्रसाद पौडेल र कृष्णबहादुर थापाले विििवध विषयमा प्रशिक्षण दिनुभएको थियो ।
केन्द्रीय उपाध्यक्ष पौडेलले देशमा नेकपा (मसाल) ले सञ्चालन गरिरहेको ऐतिहासिक तीन अभियानबारे जानकारी गराउनुभएको थियो । यस्तै, उहाँले समसामयिक राजनितिक परिस्थिति र तत्कालीन कार्यभार सम्बन्धी प्रशिक्षण दिनु भएको थियो ।
केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले जनवादी केन्द्रियता र अनुशासन सम्बन्धी प्रशिक्षण दिनु भएको थियो ।
कार्यक्रममा क्षेत्रीय समिति, विभिन्न नगर समिति तथा मध्य, उत्तर र दक्षिण नगर समिति अन्तर्गत विभिन्न एरिया समितिका कार्यकर्ताको सहभागिता रहेको थियो ।
कार्यक्रमको अध्यक्षता क्षेत्रीय कोषाध्यक्ष घनश्याम शर्मा, सन्चालन क्षेत्रीय सचिव तिलक राना र स्वागत वीरबहादुर विकले गर्नु भएको थियो । वीर सहिद हरुको सम्झनामा ज्ञात अज्ञात सहिदहरुप्रति एक मिनेट मौन धारणा गरिएको थियो ।
