- विना काउछा (वापी)
पुर्खौंदेखि हेपेका छन् हामी चेली नारीलाई
संघर्षमा जुटौं अब, हकअधिकार पाउनलाई
चुलोचौका जुठा भाँडा घरको धन्दामा
हामी चेली सोझा भै पर्यौं फन्दामा ।
फेरियोनि नियमकानुन फेरियोनि जमाना
महिला-पुरुष बराबरि हक समान ।
संविधानमा लेखिएकोछ महिला हक आएन
लिखित मात्र भए बुँदा, लागु भएन ।
किन हुन्थ्यो हत्या हिंसा कार्यान्वयन भएमा
नारीहरु मर्नुपर्ने थिएन, कानुन बनेमा ।
हामी पनि चुप नबसौं उठौं नारी एकजुट भै
यस्तै दुःख नपरोस है आउने पिडीलाई ।
एक एक मिलि दुई हुन्छ, सयौं मिली सागर
सबै मिलि बन्धन तोडौं ढिला नगर ।
किन गर्छन् नारीलाई जनावर झंै व्यवहार
महिला पुरुष मिलेर नै हो चल्ने संसार ।
देखाएका छन् नारीले नि चन्द्रमालाई छोएर
कतिन्जेल बसिरहनु हामी रोएर ।
आउन चेली डटौं अब महिला हक ल्याउनलाई
सबै हामी लागिपरौं बुर्जुवा संस्कार फाल्नलाई ।
