कामरेड
बार्ता फिर्ता गर्यौं हामी
भेटघाट बन्द गर्यौं
र छलफल खारेज गर्यौं
त्यसैले
यति बेला हाम्रो साथमा
बार्ता, भेटघाट र छलफल छैन ।
कामरेड
थाहा छ तिमी
आफै चढेको डुङ्गामा प्वाल पारेर
आफै बसेको घरमा आगो सल्काएर
र आफै
हिडेको बाटोमा खाल्टो खनेर
भागेका थियौं ।
कामरेड
तै पनि तिमी
फेरी सुध्रिन्छौं कि भनेर
फेरी गल्ति सुधार्छौं कि भनेर
र फेरी
पुरानै घरमा फर्किन्छौं भनेर
तिमी संग
बार्ता बनाउदै थियौं हामी
भेटघाट भेटाउदै थियौं
र छलफल छान्दै थियौं ।
कामरेड
तर तिमी
डुङ्गामा प्वाल पार्ने आफ्ना लक्ष्यहरु
घरमा आगो सल्काउने आफ्ना उद्देश्यहरु
र बाटोमा
खाल्टो खन्ने आफ्ना दाउहरु छोडेनौ
त्यसैले
तिमी संग
बार्ता फिर्ता गर्यौं हामी
भेटघाट बन्द गर्यौं
र छलफल खारेज गर्यौं
यति बेला हाम्रो साथमा
बार्ता, भेटघाट र छलफल छैन
किनकि
हामी छलफल तिर भयौं
तिमी छलछाम तिर भयौं ।।
