हैदराबाद । मूल प्रवाह अखिल भारत नेपाली एकता समाज मध्य दक्षिण क्षेत्रीय समिति अन्तर्गत रक्तिम बिभाग र बिद्यार्थी बिभागमा रहि बिगत लामो समयदेखि अत्यन्तै अनुशाशित र सक्रिय रुपमा संगठनले दिएको जिम्मेवारीहरु पूरा गर्दै आउनु भएकी रिता शर्मालाई क्षेत्रीय समितिले बिदाइ गरेको छ ।
उक्त बिदाई कार्यक्रममा प्रमुख अतिथि मूल प्रवाहका केन्द्रीय उपाध्यक्ष प्रेम पौडेलले शाल, माला र अबिर लागाइ बधाई दिनुभएको थियो । बधाई तथा शुभकामना दिदै उहाँले आउने अगाडिका दिनहरु अझै उन्नति र प्रगती गर्दै बितुन् । आजसम्म संगठनले दिएको शिक्षाले जीबनमा महत्वपूणर् भुमिका खेल्न सकुन्, थप जोस जागर र उत्साहले सधैभरी प्रेरणा मिलिरहोस भन्ने शुभकामना ब्यक्त गर्नुभयो ।
कार्यक्रमको अध्यक्षता क्षेत्रीय अध्यक्ष रामप्रसाद पौडेलले, सञ्चालन क्षेत्रीय सचिब तिलक रानाले र स्वागत क्षेत्रीय सदस्य पुष्पा पौडेलले गर्नुभएको थियो । उक्त बिदाई कार्यक्रममा मूल प्रवाह कि केन्द्रीय सदस्य फुलबिना पौडेल, रक्तिम केन्द्रीय बिभागका झलक पुन, क्षेत्रीय बिभागकी माया थापा, कृष्ण कुमारी बिक, गुमा राना, प्रतिमा पौडेल, सम्झना दुलाल, सबिता पौडेल, अशोक बस्याल लगायतका साथीहरूले बधाई तथा शुभकामना मन्तव्य राख्नुभएको थियो ।
रिता शर्माले धन्यवाद मन्त्ब्य राख्नुभएको थियो । स्मरण रहोस् रिता शर्मा उच्छ शिक्षा हासिल गर्नको लागि अस्ट्रेलिया तर्फ जान थाल्नुभएको हो ।
