हैदरावाद उत्तर । मूल प्रवाह अखिल भारत नेपाली एकता समाज, मध्य दक्षिण क्षेत्रीय समितिद्वारा संचालित उत्तर हैदराबाद नगर समिति अन्तर्गत पर्ने मेड्चल गड्वल्लीमा कार्यरत रहेका नेपाली श्रमजिवीहरु बिचमा एक भेलाको आयोजना गरि मूल प्रवाहको सदस्यता बितरणका साथ नयाँ एरिया समिति निर्माण गरिएको छ । भेलामा केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलको विशेष उपस्थिति रहेको थियो ।
कृष्ण बहादुर साउद र आशाकाजी श्रेष्ठको पहल तथा सक्रियतामा आयोजित सो भेलामा मूल प्रवाहको बारेमा, भारतस्थित नेपालीहरुको समस्याको बारेमा र बर्तमान राजनैतिक परिस्थितिको बारेमा प्रशिक्षण दिइएको थियो । उक्त भेलाले कृष्ण बहादुर साउद्को अध्यक्षतामा एक रिक्त सहित ९ सदस्यीय मेड्चल गड्वल्ली एरिया समितिको निर्माण गरेको छ । जसमाः उपाध्यक्ष- इन्द्रा चौधरी, सचिव- बिरेन्द्र कठारीया, सहसचिव- रिता चौधरी, कोषाध्यक्ष- आशाकाजी श्रेष्ठ, सददस्यहरुमा? धनिराम कठारिया, धर्मेन्द्र कठारिया, शान्ती साउद र एक स्थान पछि पुर्तिगर्नेगरी रिक्त राखिएको छ।
