बिकास मल्ल, भिवानी
२६ फरवरी 2023 मुल प्रवाह अखिल भारत नेपाली एकता समाज नगर समिति भिवानीले दशौं पश्चिमोत्तर -मध्य पश्चिमोत्तर संयुक्त क्षेत्रीय सम्मेलन प्रचारात्मक सभा भव्यरुपमा सम्पन्न गरेको छ । मोहन बि.क.को अध्यक्षता एवं भिम बहादुर रायमाझीको संचालन अगाडी बढेको सभामा ज्ञात-अज्ञात सहिदहरू प्रति एक मिनेट मौन धारणा गरियो । सभामा प्रमुख अतिथी भिवानी नगरका संस्थापक सदस्य बि.बि. कोपिला हुनु हुन्थ्यो । आयोजक समितिको तर्फबाट डिल बहादुर भट्टराईले सहभागीहरूलाई स्वागत मन्तव्यबाट स्वागत गर्नु भएको थियो । सभालाई केन्द्रिय परिषद् सदस्य मनिराम अधिकारी, क्षेत्रीय महिला बिभाग सदस्य हस्तु देबि बि.क., नगर सदस्य प्रकाश के.सी., विद्यानगर टोल समितिबाट जुम बहादुर रास्कोटी र मेला ग्रराण्ड टोल समितिबाट नारायण परियारले सम्बोधन गर्नु भएको थियो ।

वक्ताहरूले देशमा चलिरहेको राजनीति, प्रवासमा भएका समस्याहरुमा बोल्दै आगामी 22-23 अप्रिल 2023 फरिदाबादमा हुने दशौं पश्चिमोत्तर -मध्य पश्चिमोत्तर संयुक्त क्षेत्रीय सम्मेलनको जानकारी दिदै भिवानीबाट आर्थिक ,नैतिक र भौतिक रूपमा सहयोग गर्ने एवं व्यापक जनसहभागीताको पहल गर्ने विषयमा जोड दिनु भएको थियो ।