खिमराज चालिसे
जालन्धर । मूल प्रवाह अखिल भारत नेपाली एकता समाजको जालन्धर नगरले आईतबार उदघाटन गरेको देउसीभैलो दुई दिनसम्म जनताको घरदैलोमा खेली हिजो सोमबार समापन गरिएको छ ।
मूल प्रवाह केन्द्रीय सदस्य धन बहादुर गोर्खालीले दीप प्रज्वालित गरि उद्घाटन गरेको भैलो दुई टिममा विभाजन गरि खेलिएको थियो।
केन्द्रीय सदस्य कुल बहादुर बगालेद्वारा भैलो टोलीलाई अबिर एवं केन्द्रीय परिषद सदस्य जमुना गाहाले फूलमाला र देव सिंह गुरुङले व्याच लगाइ भैलो शुभारम्भ गर्नुभएको थियो ।
समारोहमा मूल प्रवाह केन्द्रीय सदस्य कुल बहादुर बगाले, केन्द्रीय परिषद सदस्य जमुना गाहा, सुदुर पश्चिमोत्तर महिला क्षेत्रीय सदस्य मीना थापा र मीना बगाले, अखिल नेपाल शिक्षक संघ उपाध्यक्ष सन्धी खर्क अर्घाखाँचीका यज्ञ प्रसाद भुसाल, प्यूठान नगर कार्यपालिका सदस्य मीन बहादुर बस्याल लगाएतको आतिथ्यता रहेको थियो ।
कार्यक्रम जितमान थापाको अध्यक्षतामा तथा लक्ष्मण खड्काको सञ्चालनमा सम्पन्न भएको हो भने स्वागत शुष्मा खड्काले गर्नु भएको थियो ।
