चंडिगढ । मूल प्रवाह अखिल भारत नेपाली एकता समाज चंडिगढ नगर समितिले आज १२ नोभेम्बर २०२३ को आईतबार बेग्लाबेग्लै तिन स्थानमा आज देउसीभैलो को उद्घाटन गरि परिचालन गरिएको छ ।
प्रवासी श्रमजीवी नेपालीहरुको घरदैलोमा पुगी शुभकामना दिदै तिन अभियानलाई सहयोग गर्ने उद्धेश्यले भैलो चार दिनसम्म जनताको बिचमा खेल्ने योजना रहेको छ ।
यस अन्तर्गत “ए” टिम – पंचकुलाको उद्घाटन नगर अध्यक्ष मान बहादुर केसीले गर्नु भएको थियो । समारोहमा शुभकामना केन्द्रीय सदस्य तिलक पौडेल र केन्द्रीय सल्लाहकार प्रेम आचार्यले दिनु भएको छ ।
कार्यक्रम पुरन थापाको अध्यक्षतामा तथा नरेन्द्र बलम्पाकीको सञ्चालनमा सम्पन्न भएको थियो ।
यसैगरि “बि” टिम मोहाली र ईन्डस्ट्रियल एरियाको देउसीभैलो उद्घाटन मूल प्रवाह केन्द्रीय सदस्य खिमराज चालिसेले व्यानर खोलेर गर्नु भएको थियो । वहाँले प्रगतिशिल देउसी भैलोको प्रवासमा महत्वबारे प्रकास पार्नु भएको थियो ।
कार्यक्रममा मूल प्रवाह केन्द्रीय सदस्य दिनेश खड्का, सुदुर पश्चिमोत्तर क्षेत्रीय सदस्य जुना चालिसे, विद्यार्थी संघ नगर सचिव सुरज चालिसे, महिला नगर सदस्य लक्ष्मी अधिकारीको आथित्यता रहेको थियो ।
कार्यक्रम थानेश्वर पाण्डेको सञ्चालनमा तथा बिष्णु अर्यालको अध्यक्षतामा सम्पन्न भएको थियो भने स्वागत सरस्वता भुसालले गर्नु भएको थियो ।
“सी” टिम मध्यसिटी र सिटि एरियाको टिमको उद्घाटन मूल प्रवाह नगर समितिका सदस्य थमन थापाले गर्नु भएको थियो । वहाँले प्रगतिशिल देउसी भैलोको प्रवासमा महत्वबारे प्रकास पार्नु भएको थियो।
कार्यक्रम अर्जुन बिकको अध्यक्षतामा तथा तेज बहादुर रोकाको सञ्चालनमा सम्पन्न भएको थियो भने स्वागत किसन खनालले गर्नु भएको थियो।
