हिसार । मूल प्रवाह केन्द्रीय परिषद् सदस्य निरु सारुलाई भारतबाट मूल प्रवाहले हिजो १८ नोभेम्बर २०२३ को सम्मान सहित विदाई गरेको छ ।
२००७ देखि मूल प्रवाहको सदस्यता लिएर निरन्तर विभिन्न जिम्मेवारी निभाउँदै आउनु भएको सारु पछिल्लो समय मूल प्रवाह हिसार महिला विभाग संयोजक, मूल प्रवाह नगर सदस्य र निवर्तमान मूल प्रवाह केन्द्रीय परिषद सदस्य रहनु भएको थियो ।
वहाँले मूल प्रवाहको सदस्य लिनुभन्दा पहिला नै स्वदेशमा राजमो निकट रक्तिम कलाकार समेत हुनुहुन्थ्यो ।
सारुलाई मूल प्रवाह हिसार नगर समितिले स्मृतीचिन्ह र प्रशंसा पत्र दिएर ससम्मान विदाई गरेको हो ।
विदाई समारोहमा नेता सारुले स्वदेश भित्र राजमोमा सक्रियता पूर्वक काम गर्ने प्रतिवद्धता प्रकट गर्नु भएको थियो ।
नेता सारुलाई शुभकामना दिँदै वहाँको योगदानबारे चर्चा गर्दै बोल्ने वक्ताहरूमा मूल प्रवाह केन्दीय वैकल्पिक सदस्य तारा सोमरे, क्षेत्रीय सदस्य सुुरेश क्षेत्री, लालबहादुर चुँदाली, महिला क्षेत्रिय सदस्य सीता पोख्रेल, चन्द्रा सोमरे, सेती राना, नगर उपाध्यक्ष योगेन्द्र दर्लामी, इन्डष्ट्रीयल एरियाबाट पवित्रा टन्डन, बिजय बलाल, सिटि एरिया ‘बि’ का विमल मुखिया, भुप कुमाल, महिला विभागकी दुर्गा राष्कोटी, मिनु दर्लामी, पार्वती पौडेल, विद्यार्थी सङ्घकी रक्षा सोमरे, अनिल राष्कोटी, राष्ट्रिय जनमोर्चाका सदस्य तथा पूर्व मुल प्रवाहका क्षेत्रीय सचिव आत्मराम न्यौपाने लगाएत हुनुहुन्थ्यो ।
विदाई समारोह केहरसिंह घर्तीमगरको सञ्चालनमा तथा बाबुराम पोख्रेलको अध्यक्षतामा सम्पन्न भएको हो भने दुर्गा शर्माले स्वागत गर्नु भएको थियो ।
