खिमराज चालीसे
जालन्धर । मूल प्रवाह महिला नगर विभाग जालन्धरको आयोजनामा हिजो ११४औं अन्तर्राष्ट्रिय श्रमिक महिला दिवस कार्यक्रम भव्य एवं सानदार रूपमा सम्पन्न भएको छ ।
सभालाई मूल प्रवाह अखिल भारत नेपाली एकता समाज केन्द्रीय सदस्य कुलबहादुर बगाले प्रमुख अतिथिको आसनबाट सम्बोधन गर्नुभएको थियो । उक्त समारोहमा बोल्ने अन्य वक्ताहरूमा मूल प्रवाह केन्द्रीय सदस्य धन बहादुर गोर्खाली, सल्लाहकार जितमान थापा, केन्द्रीय महिला विभाग कि सदस्य, शुष्मा खड्का केन्द्रीय परिषद सदस्य लक्ष्मण खड्का र जमुना गाहा, सुदुर पश्चिमोत्तर क्षेत्रीय महिला सदस्य मीना थापा, मूल प्रवाह नगर समितिका लक्ष्मण केसी, माधव खनाल, तिलबहादुर थापा, महिला नगरकि सर्मिला सापकोटा, सरस्वती आचार्य, विद्यार्थी संघ क्षेत्रीय सदस्य कविता थापा लगायतले अन्तर्राष्ट्रिय श्रमिक महिला दिवसको बारेमा आफ्नो धारणा र सामाजिक जिम्मेवारीको सम्बन्धमा विचार राख्नुभएको थियो ।
उक्त कार्यक्रममा कुर्चीदौड र घैटाफोर समेतको खेलकुदहरूको प्रतियोगिता गराइएको थियोे भने बिजेतालाई पुरस्कार पनि वितरण गरिएको थियो । सो कार्यक्रम रमा विष्टको सञ्चालनमा तथा जुना विकको अध्यक्षतामा सम्पन्न भएको हो भने स्वागत इन्दिरा कुँवरले गर्नु भएको थियो ।
