जनक बिसी ##
कसरी सुनाऊँ देशको बेहाल
कसियो झनै अझै अन्याय जन्जाल
जनतालाई पिरलो दिनदनै बढ्दै छ
महङ्गी चुलिएर आकाश छुँदै छ
अत्याचारले गरिबका झुप्रा तड्पिए
सहरभरि नेताका महल टल्किए
फेरि पनि हुकुमी शासन चल्दै छ
जनताका अधिकार कुल्ची हिँड्दै छ
जनतालाई भर्याङ बनाई सरकार बनाए
हक माग्दा जनतालाई गोली बर्साए
देशको तस्बिर कस्तो होला बन्दै बनेन
अन्याय र अत्याचारको शासन हटेन
उठ्नुपर्छ किसान ज्यामी एकतामा जुटेर
मास्नुपर्छ देशका बैरी जनता मिलेर
देशको माटो जोगाउन सयौँ फूल फुलाउन
नयाँ देश निर्माण गरी संसार चिनाउन
