कानपुर । मूल प्रवाह अखिल भारत नेपाली एकता समाज कानपुर नगर समिति अन्तर्गत रहेको महिला विभागको आयोजनामा तिजी कार्यक्रम सम्पन्न पारिएको छ ।
कार्यक्रमको अध्यक्षता हरिकला गुरुङले, सञ्चालन मिन बहादुर रानाले गर्नुभएको थियो । कार्यक्रममा सहभागिहरुलाई खिम बहादुर केसीले स्वागत गर्नुभएको थियो ।
कार्यक्रमको उद्घाटन केन्द्रीय सदस्य लक्ष्मीप्रसाद ज्ञावलीले गर्नुभएको थियो । कार्यक्रममा केन्द्रीय सदस्य विर बहादुर जिसी, नगर अध्यक्ष लोक बहादुर गुरुङ, नगर समितिका छविलाल बन्जाडे, शिव बहादुर विक, विजय लिम्बु, पुरन थापा, करन सिंह, ओम बहादुर गुरुङ, हेमा राना र कमला लगायतले मन्तव्य राख्नुभएको थियो ।
