वीरेन्द्रनगर । सुर्खेतस्थित चित्रबहादुर केसी अध्ययन प्रतिष्ठानको चौथो साधारणसभा सम्पन्न भएको छ ।
राष्ट्रिय जनमोर्चाका केन्द्रीय उपाध्यक्ष जनकराज शर्माको प्रमुख आतिथ्यमा सो कार्यक्रम सम्पन्न भएको हो ।
उपाध्यक्ष शर्माले राजमो सुर्खेतको सभाहलमा २०८१ असोज १२ गते आयोजित उक्त साधारणसभाको उद्घाटनसमेत गर्नुभएको थियो ।
प्रतिष्ठानका अध्यक्ष मोहन थापाको अध्यक्षतामा, सल्लाहकार भानुभक्त भारतीको स्वागत तथा महासचिव मणिराम देवकोटाले सञ्चालनमा सो कार्यक्रम अघि बढेको थियो ।
कार्यक्रममा प्रतिष्ठानका संस्थापक अध्यक्ष रत्नविक्रम रानाप्यासी, राजमो कर्णाली प्रदेश अध्यक्ष पूर्णबहादुर शाही र अखिल नेपाल महिला सङ्घकी सरस्वती सञ्ज्याललगायतले प्रतिष्ठानको आगामी कार्यक्रमबारे मन्तव्य राख्नुभएको थियो ।
