निमराना । मूल प्रवाह अखिल भारत नेपाली एकता समाज पश्चिमोत्तर क्षेत्रीय समिति अन्तर्गत निमराना नगर समितिका सदस्य खले रोकालाई स्वदेश विदाई गरिएको छ । रोकालाई नगर समितिले एक सभाबीच विदाई गरेको हो ।
हुमलाल भण्डारीको अध्यक्षता र गोविन्द घर्तिमगरको सञ्चालनबाट अगाडि बढेको सो विदाई समारोहमा सहभागिहरुलाई पूर्णप्रसाद भण्डारीले स्वागत गर्नुभएको थियो ।
रोकाको विदाई समारोहमा क्षेत्रीय समितिका सदस्य देवराज पुन, कम्पनीका मेनेजर टंकप्रसाद भण्डारी, नगर समितिका प्रेम पुनले शुभकामना दिनुभएको थियो । क्षेत्रीय समितिका सदस्य देवराज पुनले रोकालाई दोसल्ला ओढाएर सम्मान गर्नुभएको थियो ।
