हैदरावाद । भारतको हैदरावादमा मूल प्रवाह अखिल भारत नेपाली एकता समाजको वनभोज कार्यक्रम सम्पन्न भएको छ ।
मूल प्रवाहको सापुरनगर एरिया समितिको आयोजनामा डिसेम्बर १५, २०२४ का दिने सो कार्यक्रम सम्पन्न भएको हो ।
सो अवसरमा आयोजित कार्यक्रमलाई केन्द्रीय सदस्य तथा मध्यदक्षिण क्षेत्रीय समितिका अध्यक्ष रामप्रसाद पौडेलले सम्बोधन गर्नुभएको थियो ।
सो अवसरमा उहाँले आगामी जनवरी ४–५, २०२५ को मितिमा आयोजित संयुक्त नगर सम्मेलनलाई सफलतापूर्वक सम्पन्न गर्न प्रचारप्रसारका साथै तयारीका सम्पूर्ण कार्य गर्नुपर्ने आवश्यकतामा जोड दिनुभयो ।
कार्यक्रममा केन्द्रीय सदस्य भीमबहादुर थापा, पूर्व केन्द्रीय सदस्य खिमबहादुर विक, क्षेत्रीय समितिका सदस्य तथा महिला विभागकी संयोजक पुष्पा पौडेल, रक्तिम क्षेत्रीय विभागकी संयोजक माया थापा, विद्यार्थी सङ्घका क्षेत्रीय अध्यक्ष हिमाल पौडेल, दक्षिण नगर अध्यक्ष वीरबहादुर विक, मध्य नगर समितिका कोषाध्यक्ष राजु दुलाल, उत्तर नगर समितिका कोषाध्यक्ष तेजेन्द्रप्रसाद शर्मालगायतको आतिथ्य रहेको थियो ।
कार्यक्रमको अध्यक्षता एरिया समितिका अध्यक्ष नरेन्द्रप्रसाद शर्माले र सञ्चालन सचिव लालबहादुर थापाले गर्नुभएको थियो ।
उपस्थित सहभागीलाई एरिया समितिका कोषाध्यक्ष बिजुला शर्माले स्वागत गर्नुभएको थियो ।
