गुवाहटी । मूल प्रवाह अखिल भारत नेपाली एकता समाज पूर्वोत्तर क्षेत्रीय समितिका सदस्य थानेश्वर पाण्डे पत्नी शोकमा पर्नुभएको छ । वहाँकी श्रीमती मेनुका पाण्डे (मञ्जु) को यहि २०८० कार्तिक २९ गते दुखद निधन भएको छ । कावासोती नवलपुर निवासी पाण्डे अचानक विमारी भई उपचारको लागि काठमाडौं पुर्याइएको थियो ।
खबर पाउनसाथ वहाँको श्रीमान थानेश्वर पाण्डे पूर्वोत्तर भारतको जवाईबाट काठमाडौं पुग्नु भएको थियो । मेनुका पाण्डेको दाहासंस्कार कावासोती नवपुरमा कार्तिक ३० गते गरिएको थियो ।
यसै बीच मूल प्रवाह अखिल भारत नेपाली एकता समाज पूर्वोत्तर क्षेत्रीय समितिका अध्यक्ष कृष्ण क्षेत्रीले सिंगो क्षेत्रीय समितिको तर्फदेखि मृतकप्रति भावपूर्ण श्रद्धाञ्जली प्रकट गर्दै परिवारजनमा गहिरो समवेदना प्रकट गर्नुभएको छ ।
