काठमाडौं । राष्ट्रिय जनमोर्चाले काठमाडौं जिल्लाका विभिन्न नगरमा चुनावी अभियानलाई तिब्रता दिएको छ । काठमाडौंका अधिकांश नगरमा एकल उम्मेदवारी दिएको जनमोर्चाले चन्द्रागिरीमा भने गठबन्धनको तर्फबाट साझा उम्मेदवार उठाएको छ ।

चन्द्रागिरी नगरपालिकामा पाँचदलीय गठबन्धनबाट नगरप्रमुखमा नेपाली कांग्रेसका घनश्याम गिरी र राष्ट्रिय जनमोर्चाको तर्फबाट उपाध्यक्षमा रोशन दानीले उम्मेदवारी दिनु भएको छ ।

यो नगरपालिकामा यसअघिको चुनावमा कांग्रेसले प्रमुख जितेको थियो भने उपप्रमुख झिनु मतले हारेको थियो । अहिले गठबन्धन भएका कारण जित थप सहज हुने उपप्रमुखका उम्मेदवार दानीको दाबी छ ।

अहिले गठबन्धन दलहरुले उम्मेदवारसहित नगरका विभिन्न वडामा घर दैलो कार्यक्रमलाई तीब्रता दिएका छन् ।
आइतबार चन्द्रागिरी नगरपालिकाका वडा नं ३ र ४ मा घर दैलो गरिएको छ । थानकोट क्षेत्रमा भएको घर दैलो कार्यक्रममा राष्ट्रिय जनमोर्चाको तर्फबाट टोलिको नेतृत्व राजमोका नेता आनन्द शर्माले गर्नु भएको ।

त्यस्तै, नेकपा (मसाल) का प्रवक्ता राम प्रकाश पुरी, अखिल नेपाल महिला संघका अध्यक्ष मिना पुन, अखिल नेपाल जनजाती सम्मेलनका अध्यक्ष निमबहादुर बुढाथोकी, झबिन्द्र बेलवासे, जगत प्रसाद रेग्मी, प्रेम तामाङ, हरिकान्त शर्मा, छम पुन, अम्मर पौडेल हरिकिशन दानी, दाबा लामा, रुपेस दानी, रमिला दामी, प्रतीक राई, असोक लामा, लोक मगर लगाएतका नेताहरु घरदैलोमा सहभागी हुनुहुन्थ्यो ।

यता, कागेश्वरी मनोहरा नगरपालिकामा राष्ट्रिय जनमोर्चाले एकल रुपमा चुनावी मैदानमा उत्रिएको छ । नगर प्रमुख सुदिप सापकोटा र उपप्रमुखमा लक्ष्मी राई तथा वडा न ३ मा अमृत कुइकेलले उम्मेदवारी दिनु भएको छ । सो नगरमा पनि चुनावी अभियानलाई तीब्र पारिएको राजमो नेता प्रेम तामाङले बताउनुभयो ।

यस्तै, नागार्जुन नगरपालिकामा पनि राजमोले एकल उम्मेदवारी दिएको छ। प्रमुखको उम्मेदवार कृष्ण बहादुर घले हुनुहुन्छ । सो क्षेत्रमा पनि चुनावी अभियान शसक्त रूपमा अगाडि बढी रहेको राजमो केन्द्रीय सदस्य लाल बहादुर थापाले बताउनु भयो । नागार्जुन नगरपालिका वडा न ६ मा वडा अध्यक्षमा मधु गिरीको उम्मेदवारी छ ।

राजमो नागार्जुनको चुनावी प्रचार टोलिको नेतृत्व केन्द्रीय सदस्य लालबहादुर थापाले गर्नुभएको छ । चुनावी अभियानमा केन्द्रीय सदस्य लक्ष्मी केसी, राजमो जिल्ला कोषाध्यक्ष मुक्तबहादुर केसी, महिला नेतृ कमता पौडेल, हिरा केसी, बेगम खड्का, बिमला थापा, गायत्री केसी, भवाना केसी,दिपक, मिना अधिकारी, भक्तीप्रसाद थनेल, इशरी शर्मा, किशोर गिरी, माया खनाल, साहस घले, उज्वल घले, राहुल, पदम रोका, दिनेश थापा लगाएत रहनुभएको छ ।

यताबूढानीलकण्ठ नगरपालिकाको प्रमुखमा उम्मेदवारी दिएका छवि खनालको नेतृत्वमा नगरपालिकाका विभिन्न वडामा चुनावी अभियान सञ्चालन भइरहेको छ ।