जयपुर । मूल प्रवाह अखिल भारत नेपाली एकता समाज मध्य पश्चिमोत्तर क्षेत्रीय समितिले आफ्ना सल्लाहकार दल बहादुर सोनीको निधन भएको १२ औं दिनको दिन आज २२ में २०२२ मा श्रद्धाञ्जली सभा कार्यक्रम सम्पन्न गरेको छ।
नारायण ज्ञवालीको सञ्चालन, बेल बहादुर रजालीको अध्यक्षतामा एक मिनेट मौन धारण पछी सम्पन्न उक्त कार्यक्रममा दल बहादुर सोनीको फोटोमा पुष्प अर्पण पछी केन्द्रीय परिषद सदस्य रामप्रकाश शर्मा, क्षेत्रीय सल्लाहकार बाबुराम थापा, जयपुर दक्षिणका अध्यक्ष ओम थापा, जयपुर उत्तरका टंक थापाले मन्तव्य राख्नु भएको थियो ।
मूल प्रवाह अखिल भारत नेपाली एकता समाज मध्य पश्चिमोत्तर क्षेत्रीय समितिका सल्लाहकार दल बहादुर सोनी को ११ मइ २०२२ का दिन ब्रेन हेम्ब्रेजको कारण निधन भएको थियो।
