निमराना । राजस्थानको जयपुरबाट नेपाल फर्किने क्रममा एक नेपाली निमरानामा लुटिएका छन् । नवलपरासी जिल्ला, कावासोती नगरपालिका ३, दलदले घर भएका रामचन्द्र तिलवाल लुटिएका हुन् ।
रामचन्द्रले भने अनुसार उनी जयपुरको गान्धी नगरको नजिकै कुनै टिकाराम फौजीको पीजीमा काम गर्छन् । उनी जयपुरबाट नेपाल फर्किने क्रममा आफन्तीलाई भेट्न निमरानामा झरेका थिए । निमरानामा उनका आफन्ती नभेटेपछि फेरी बस लाग्ने ठाऊमा जाँदा उनीको ५८ हजार नगद र १५ हजार रुपैया बराबरको मोबाईल, झोला लुटेराहरुले लुटेका बताए ।
त्यसपछि उनलाई अलपत्र अवस्थामा मूल प्रवाह अखिल भारत नेपाली एकता समाज नगर समिति निमरानाका अध्यक्ष देवराज पुनले फेला पार्नु भएको थियो । देवराज पुनले उनीसित आवश्यक सोधपुछ गर्दा आफु फेरी काम गर्ने ठाँउ जयपुर मै फकिने बताए ।
उनलाई यसरी बाटोमा हिंड्दा अत्यन्तै सावधानिपुर्वक चनाखो बनेर हिंड्नु पर्ने सल्लाह सुझाव सहित जयपुरसम्म पुग्ने भाडा दिएर निमराना नगर समितिले जयपुर पठाइएको छ ।
