जयपुर । मूल प्रवाह अखिल भारत नेपाली एकता समाज जयपुर उत्तर तथा दक्षिण नगर समितिको संयुक्त आयोजनामा १३३औं अन्तर्रास्ट्रिय मजदुर दिवस सम्पन्न पारिएको छ । रिम रानाको अध्यक्षता र दिल बहादुरको कार्यक्रम सञ्चालनबाट अगाडि बढेको सो कार्यक्रममा केन्द्रीय सदस्य मोहन गिरी, जयपुर नगर समितिका संस्थापक छविलाल उपध्याय, जनजाति केन्द्रीय विभागबाट ओम थापा, महिला केन्द्रीय बिभागबाट दिपा थापा, क्षेत्रीय समितिका सचिव नारायण ज्ञवाली, क्षेत्रीय समितिका सल्लाहकार बाबुराम थापाले आतित्थ्यता गर्नुभएको थियो ।
ज्ञात अज्ञात सहिदहरुप्रति एक मिनेट मौनधारण पछि नारायण ज्ञवाली (ख) ले स्वागत मन्तव्यद्धारा सम्पूणर्लाई स्वागत गर्नुभएको थियो ।
अन्तर्रास्ट्रिय मजदुर दिवसको क्रान्तिकारी स्पिडलाई पछाउँदै अगाडि बढ्नुपने र मजदुर आन्दोलन समस्या तथा समाधानमा कसरी अगाडि बढ्नुपर्छ भन्ने बारेमा अतिथि वक्ताहरुले प्रकाश पार्नुभएको थियो । त्यस्तै दक्षिण महिला बिभागबाट धन माया थापा, दक्षिण मानसरोवरबाट ओम थापा (ख)ले पनि मन्तव्य राख्नुभएको थियो ।
