विष्णु शर्मा (पान्डेचरी)
ऐलेको तीजमा बिन्ती मेरो राजै
गम्भीर भएर सुनिदिनु है।
नयामा फरिया चाहिदैन राजै
यो मेरो भावना बुझिदिनु है।।
खानामा खिरै चाहिदैन राजै
भोकको ज्वाला मारिदिनु है।
चेतनाको किरण फैलाउन खोज्दा
स्वतन्त्र मलाई छाडिदिनु है।
कानैमा झुम्का चाहिदैन राजै
मिठा मुखले हासेर बोलीदिनु है।
नारी बन्धक बनाउने चारदिबारे ढोकालाइ
सदाको लागि खोलीदिनु है।।
सत्यको पक्षमा म उभिदा राजै
सहमतिको आवाज बोलीदिनु है।
मलाई पछि तान्ने संस्कारको रसिलाइ
हजुरकै हातले खोलीदिनु है।
छोरी भनी लत्रने माइतीलाइ राजै
छोराछोरी बराबर हुन भनिदिनु है।
छोरा भनी गम्कने समाजलाई राजै
छोरीका उदाहरण गनिदिनु है।
मेकअपकिट चाहिदैन राजै
पहिचान मेरो हुन दिनु है।
राम्रो काममा अघि बढ्दा प्रोत्साहन दिएर
पबित्र गन्तव्य छुन दिनु है।।
गलैमा सिक्री चाहिदैन राजै
दासताका बन्धन तोडीदिनु है।
सुनैको हार चाहिदैन राजै
मेरो मुक्तकण्ठ खोलीदिनु है।।
कुनैबेला दोधारमा पर्दा
सहिमार्गदर्शन गरिदिनु है।
नारीको बिरुद्धमा बनाएको कुसंस्कार
फालेर नया दर्शन भरिदिनु है।।
समाजका उत्पिडीतलाइ संगठित गर्न
मनैपाइ अगाडि सरिदिनु है।
यो समाजमा नमुना बनेर
समानताको संखघोष गरिदिनु है।।
। समाप्त।
