मूल प्रवाह अखिल भारत नेपाली एकता समाज र अखिल भारत नेपाली एकता समाजको संयुक्त आयोजनामा सम्पन्न कार्यक्रममा मूल प्रवाहका केन्द्रीय महासचिव त्रिभुवन भट्टराई प्रमुख अतिथि हुनुहुन्थ्यो ।

महासचिव त्रिभुवन भट्टराईले मार्च पासको नेतृत्व समेत गर्नु भएको थियो। भट्टराईले प्रमुख अतिथिको आसनबाट सम्वोधन गर्दै मजदुर दिवसको इतिहास वर्गिय आन्दोलनको इतिहास भएको बताउनु भयो । उहाँले वर्तमान व्यवस्थाको अन्त्य नभएसम्म श्रमजीवी वर्गको उत्थान हुन नसक्ने बताउनु भयो । नेपाली श्रमजीवीहरूले वीर सहिदहरूको वलिदानी पुर्ण संघर्षबाट प्राप्त अधिकारको संरक्षण गर्न अझै शशक्त रुपमा लाग्न पर्ने धारणा राख्नुभएको थियो ।

कार्यक्रममा विशिष्ट अतिथिको रुपमा अखिल भारत नेपाली एकता समाजका केन्द्रीय सदस्य श्याम बिकले सम्वोधन गर्नु भएको थियो । सम्वोधन गर्दै विचार व्यक्त गर्ने वक्ताहरूमा मूल प्रवाहका केन्द्रीय सदस्य एवं सुदुर पश्चिमोत्तर क्षेत्रीय अध्यक्ष तारा सोमरे, भारतीय भाईचाराबाट सकुन्तला जाखड, परिषद सदस्य नारायण बिक, क्षेत्रीय कोषाध्यक्ष बाबुराम शर्मा सदस्य सुरेश क्षेत्री, अखिल भारत नेपाली एकता समाजका केन्द्रीय सचिवालय सदस्य राम बहादुर कौशल, क्षेत्रीय महिला सदस्य सिता पोखरेल, राजमो पाल्पाकी निरु सारु, जनजाति विभागका केयर सिंह घर्तीमगर, सांस्कृतिक विभागका लाल बहादुर चुदाली, जालन्धर नगरका जमुना गाह, लगाएतका अतिथिहरू हुनुहुन्थ्यो ।

कार्यक्रम जुद्ध बहादुर कुवरको अध्यक्षता तथा कमला बगालेको सञ्चालनमा सम्पन्न भएको थियो । कार्यक्रममा सहभागिहरूलाई बाबुराम पोख्रेलले स्वागत गर्नुभएको थियो ।