काठमाडौँ । रक्तिम सांस्कृतिक अभियानका पूर्व केन्द्रीय सदस्य दल बहादुर बिक पुनः पुरानै घरमा प्रवेश गर्नुभएको छ ।
उहाँले विगतमा रक्तिम अभियानको केन्द्रीय कलाकारका रूपमा लामो समयदेखि सक्रिय भूमिका निर्वाह गर्दै आउनुभएको थियो । पछिल्लो समयमा उहाँ आफुले समर्थन गरेको पार्टी राष्ट्रिय जनमोर्चाबाट अलगिनुभएको थियो ।
बिकलाई बाग्लुङको जेमिरे काण्डको दौरानमा झुट्टामुद्दा लाग्दा जेलनेल समेतको यातना भोग्नुभएको थियो ।
रक्तिम सांस्कृतिक अभियानलाई थप सशक्त बनाउने उद्देश्यका साथ, उहाँ बैशाख १८ गतेका दिन मूल प्रवाह अखिल भारत नेपाली एकता समाजमा प्रवेश गर्नुभएको छ । उहाँलाई केन्द्रीय समितिका सदस्य काशीराम शर्माले संगठनको सदस्यता प्रदान गर्नुभएको छ ।
केही समयअघि उहाँ अस्वस्थ भई कार्यमा शिथिलता आएको थियो । अहिले भने उहाँ पुनः सक्रिय हुँदै आफ्नो पुरानै घरमा फर्कनुभएको छ ।
