दिनेश रैदास

वर्तमान समयलाई कल्पना गर्दा
भागरथीलाई सम्झिँदा
नारीलाई एक्लै हिँड्न कठिन छ
एक साँझ भागरथी एक्लै विद्यालयबाट
घरतर्फ फर्कदै गरेको समयमा
सास रोकियो हिँड्दै जाँदा
मुख थुनियो, हात समातियो
रोक्न आफूले धेरै प्रयास गरिन्
हे सरकार,
भागरथीलाई न्याय दे !

आज बद्नाम भइन्
इज्जतको नाम निसाना मेटियो
बलत्कारपश्चात हत्या भएको
भागरथीलाई न्याय दे !

अनेकौँ मृत्यु भएको होला
साँस जानुभन्दा अघि तिम्रो
के गल्ती थियो भागरथीको
छोरी भएर जन्मिनु हो
कि त अर्को दोष भागरथीसँग
वक्षस्थल र योनी भएर होला
कहिलेसम्म घटिरहन्छ
चेलीहरुको बलात्कार
र, बलात्कार पश्चात हत्या
भागरथीलाई न्याय दे !

कस्तो विडम्बना भागरथी
कल्पना पनि गर्न सकिन्न
जबसम्म यौनको बारेमा खुलेर बहस हुँदैन
निर्दोष नारीहरूको बलात्कारपश्चात हत्या
रोकिने छैन
हैन भने खै न्याय ?

इज्जत लुट्ने लुटेरा
र, हत्या गर्ने हत्यारालाई जोगाउन
नेपाल सरकार
र, आजको कानुन रखवाला नै अन्धो भयो
प्रशासन र बर्दिवालाले पनि
केही गर्न सकेनन्
मेरो देशको दर्हो कानुनले
इज्जत लुटेर हिड्नेलाई
खुलेआम हिड्न दिँदै छ
पैसाले बिकेको मेरो देशको कानुनले
खै एक निमुखालाई न्याय दिएको ?
खै लुटिएको परिवारको इज्जतलाई
न्याय दिएको
भागरथीलाई न्याय दे !