काठमाडौं । देशका विभिन्न जिल्लामा राष्ट्रिय जनमोर्चाको तर्फबाट स्थानीय पालिकामा कार्यपालिका सदस्यहरू चयन भएका छन् । स्थानीय निर्वाचनमा विजयी भएकामध्येबाट वा त्यसभन्दा अलग समावेशीको तर्फबाट स्थानीय नगरपालिका र गाउँपालिकामा कार्यपालिका सदस्य चयन भएका हुन् ।

बागलुङ । राजमो बागलुङले दिएको जानकारीअनुसार जैमिनी नगरपालिकामा वडा नं. १ बाट शान्तकला शर्मा, वडा नं. ५ बाट गीताकुमारी विक र वडा नं. ८ बाट शान्ति सुनार कार्यपालिका सदस्यमा चयन हुनुभएको छ ।

बागलुङ नगरपालिकामा वडा नं. १४ बाट चुराबहादुर सुनार नगर कार्यपालिका सदस्य बन्नुभएको छ ।

गल्कोट नगरपालिकामा वडा नं. ३ बाट टुककुमारी श्रेष्ठ र खड्कबहादुर विक नगर कार्यपालिका सदस्यमा चयन हुनुभएको छ ।
ढोरपाटन नगरपालिकामा वडा नं. ६ बाट निमकुमारी भण्डारी र वडा नं. ४ बाट कुलबहादुर छन्त्याल नगर कार्यपालिका सदस्य बन्नुभएको छ ।

यता, बरेङ गाउँपालिकामा वडा नं. १ बाट चन्द्रकला केसी थापा, वडा नं. २ बाट तुल्सी सार्की र वडा नं. ३ बाट राधिका बिटालु गाउँकार्यपालिका सदस्यमा चयन हुनुभएको छ ।

निसीखोला गाउँपालिकामा वडा नं. १ बाट गौमला मल्ल र वडा नं. २ बाट सबराज छन्त्याल गाउँ कार्यपालिकामा चयन हुनुभएको छ ।

त्यसैगरी, बडीगाड गाउँकार्यपालिकामा वडा नं. ८ बाट रुममाया थापा पाइजा र काठेखोला गाउँपालिकामा वडा नं. ४ बाट टीकासङ्गम विक कार्यपालिका सदस्यमा चयन हुनुभएको छ ।

प्युठान । राजमो प्युठानका अनुसार, स्वर्गद्वारी नगरपालिकामा वडा नं. ४ बाट बबिता विक र वडा नं. ५ बाट शारदा बुढाथोकी नगर कार्यपालिका सदस्य बन्नुभएको छ ।

प्युठान नगरपालिकामा वडा नं. २ बाट गायत्री विष्ट र वडा नं. ६ बाट मिनबहादुर सार्की नगर कार्यपालिका सदस्यमा चयन हुनुभएको छ छ ।

यता, मल्लरानी गाउँकार्यपालिकामा सूर्यबहादुर सार्की, वडा नं. २ बाट सीता पुन, वडा नं. ४ बाट उजेली विक र वडा नं. ५ बाट हिमा बुढाथोकी गाउँकार्यपालिका सदस्य बन्नुभएको छ ।

ऐरावती गाउँपालिकामा भक्तबहादुर विश्वकर्मा, वडा नं. ५ बाट दुर्गा केसी र वडा नं. बाट सीता गैरै गाउँकार्यपालिका सदस्यमा निर्वाचित हुनुभएको छ ।

झिमरुक गाउँपालिकामा चोपबहादुर विक, वडा नं. ४ बाट तुलसा केसी र वडा नं. ८ बाट सङ्गिता परियार गाउँकार्यपालिका सदस्य बन्नुभएको छ ।

अर्घाखाँची । अर्घाखाँचीमा सन्धिखर्क नगरपालिका र भूमिकास्थान नगरपालिकामा राजकोको तर्फबाट कार्यपालिका सदस्य चयन हुनुभएको राजमो अर्घाखाँचीले जानकारी दिएएको छ ।

भूमिकास्थान नगरपालिकामा वडा नं. १ बाट खुमा बेलबासे, वडा नं. २ बाट केशरा परियार र वडा नं. ३ बाट विष्णी विक नगर कार्यपालिका सदस्य बन्नुभएको छ ।

त्यस्तै, सन्धिखर्क नगरपालिकामा वडा नं. ७ बाट वशन्त नेपाली र वडा नं. ८ बाट लीला भुसाल नगर कार्यपालिका सदस्यमा चयन हुनुभएको छ ।

गुल्मी । यहाँ गुल्मी दरबार गाउँपालिकामा वडा नं. १ बाट विष्णुमाया बोटे माझी गाउँकार्यपालिकाको सदस्यमा नियुक्त हुनुभएको राजमो नेता छविलाल सर्तुङीले जानकारी दिनुभएको छ ।

दाङ । दाङको गढवा गाउँपालिकाको वडा नं. १ बाट सूर्यबहादुर नेपाली गाउँकार्यपालिकाको सदस्यमा चयन हुनुभएको राजमो नेता काशीनाथ पोखरेलले बताउनुभयो ।

रुपन्देही । रुपन्देहीको बुटवल उपमहानगरपालिका वडा नंं. ११ बाट कृष्णबहादुर सुनार नगर कार्यपालिका सदस्यमा निर्वाचित हुनुभएको छ ।

राजमो महासचिव मनोज भट्टका अनुसार नगरपालिकामा मेयर, उपमेयर र सबै वडाका वडाअध्यक्ष र वडासदस्य सम्मिलित नगरसभा गठन हुने कानुनी व्यवस्था छ । नगरसभाको बैठक वर्षमा दुईपटक बस्नुपर्दछ । त्यस्तै, मेयर, उपमेयर, सबै वडाका अध्यक्षका साथै थप समावेशी प्रतिनिधिसहितको नगर कार्यपालिका गठन हुन्छ । त्यसको स्वरूप कार्यकारी हुन्छ ।

सोहीअनुसार गाउँपालिकामा अध्यक्ष, उपाध्यक्ष, वडाअध्यक्ष र वडासदस्यसहितको गाउँसभा गठन हुन्छ । त्यसको बैठक वर्षमा दुईपटक बस्दछ भने अध्यक्ष, उपाध्यक्ष, वडाअध्यक्ष र थप समावेशी प्रतिनिधिसहितको गाउँ कार्यपालिका गठन हुन्छ । गाउँपालिकाको कार्यकारी स्वरूप हुन्छ ।