रामप्रसाद पौडेल, हैदराबाद/हेम बिजी,चिदम्बरम / लोकेन्द्र पौडेल, चेन्नै।
रोजगारीको खोजीमा भारत पसेका नेपालीहरुले १३४ औँ श्रमिक दिवस विविध कार्यक्रमको आयोजना गरी मनाएका छन् ।
मूल प्रवाह अखिल भारत नेपाली एकता समाजको अगुवाईमा भारतका विभिन्न शहरमा श्रमिक दिवस मनाइएको हो ।
मध्य दक्षिण क्षेत्र
अन्तर्राष्ट्रिय मजदुर दिवस मूल प्रवाह मध्य दक्षिण क्षेत्रभित्र पर्ने नगर समितिहरुले विभिन्न कार्यक्रम को आयोजना गरि मनाएका छन्।
हैदराबादमा हैदराबाद उत्तर, मध्य र दक्षिण नगर समितिको संयुक्त तत्वावधानमा प्रशिक्षण कार्यक्रम सम्पन्न भएको छ ।
कार्यक्रममा मजदुर दिवसको इतिहास र वर्तमान अवस्था, संगठन र अनुशासन, देशको वर्तमान परिस्थितिको बारेमा केन्द्रीय उपाध्यक्ष प्रेम पौडेल र केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले प्रशिक्षण दिनु भएको थियो ।
सूर्यबहादुर थापाको सञ्चालन, कुमार थापाको अध्यक्षता, वीर सहिदहरुप्रति एक मिनेट मौन धारण पश्चात् मीनबहादुर थापाले स्वागत गर्नुभएको थियो।कार्यक्रममा केन्द्रीय सदस्य फूलबिना पौडेल, क्षेत्रीय समितिका सचिव तिलक राना र कोषाध्यक्ष घनश्याम शर्माको पनि आतिथ्यता रहेको थियो । त्यसैगरी नागपुर नगर समितिले पनि १३४औँ अन्तर्राष्ट्रिय मजदुर दिवस मनाएको छ ।
तेजबहादुर पुनको सञ्चालन, वीरबहादुर चन्दको अध्यक्षता, वीर सहिदहरुप्रति एक मिनेट मौन धारण पश्चात् मंगलबहादुर पुनले स्वागत गर्नुभएको थियो ।कार्यक्रममा मइ दिवसको बारेमा चर्चा गर्दै मध्य दक्षिण क्षेत्रीय उपाध्यक्ष रुपलाल जिएम, क्षेत्रीय सदस्य ईश्वर पुन, महिला विभागकी मिना पुन, विद्यार्थी विभागकी रोशनी चन्द र नागपुर नगर समितिका इन्द्रलाल घर्तीले शुभकामना मन्तब्य राख्नुभएको थियो।
दक्षिण भारत
मूल प्रवाह अखिल भारत नेपाली एकता समाज दक्षिण भारत क्षेत्रीय समितिद्वारा सञ्चालित चेन्नै महानगरीका पूर्व, पश्चिम, उत्तर र दक्षिण ४ ओटै नगर समितिको संयुक्त आयोजनामा १३४ औँ मे दिवश सम्पन्न भएको छ।
मुल प्रवाह दक्षिण भारत क्षेत्रीय प्रतिनिधि तथा चेन्नै दक्षिण नगर सचिव उमानन्द चालीसेको अध्यक्षता र दक्षिण भारत क्षेत्रीय सदस्य तथा चेन्नै उत्तर नगर सदस्य काशिराम शर्माले उद्घोषण गर्नुभएको उक्त कार्यक्रममा मूल प्रवाहका महासचिव कुलबहादुर थापा, केन्द्रीय सदस्य तथा दक्षिण भारत क्षेत्रीय अध्यक्ष चन्द्रबहादुर थापा, केन्द्रीय सदस्य चन्द्रकान्त शर्मा, केन्द्रीय सदस्य केशमान नेपाली, दक्षिण भारत क्षेत्रीय सदस्य जीवन शर्मा, दक्षिण भारत क्षेत्रीय सदस्यहरु खगराज आचार्य, नेत्रलाल शर्मा, कोटिप्रसाद पोखरेल र खगेश्वर सुनारले अतिथिको आशन ग्रहण गर्नुभएको थियो ।
१ मिनेट ज्ञात अज्ञात शहिदहरुप्रति मौन धारण गरिएको थियो भने उपश्थित जनमानसलाई समाजका केन्द्रीय परिषद तथा चेन्नै पश्चिम नगर अध्यक्ष बुद्विराम पौडेलले स्वागत गर्नु भएको थियो । कार्यक्रम सफलताको शुभकामना दिनु हुनेमा माहासचिव कुलबहादुर थापा,चन्द्रकान्त शर्मा, केशमान नेपाली, चन्द्रबहादुर थापा, जीवन शर्मा, खगराज आचार्य, कोटिप्रसाद पोखरेल, नेत्रलाल शर्मा, खगेश्वर सुनार हुनुहुन्थ्यो ।
कार्यक्रममा संगठनमा सदस्यहरुको दायित्वबारे खगेश्वर सुनार, संगठनात्मक कार्यप्रणाली र अनुशासन बारे चन्द्रकान्त शर्मा र नेपालको समसामयिक राजनीतिबारे महासचिव कुलबहादुर थापाले प्रशिक्षण दिनुभएको थियो ।
कार्यक्रममा समाजका दक्षिण भारत क्षेत्रीय कोषाध्यक्ष तथा चेन्नै दक्षिण नगर अध्यक्ष लोकेन्द्र पौडेलले धन्यवाद ज्ञापन गर्नुभएको थियो ।
चिदम्बरम
मूल प्रवाह अखिल भारत नेपाली एकता समाज नगर समिति चिदम्बरमको आयोजनमा १३४औँ अन्तर्राष्ट्रिय मजदूर दिवस मनाइएको छ ।
गोकूलबहादुर गायकको उदघोषण, सूर्यमान गिरीको अध्यक्षता, केन्द्रीय सदस्य बालाकृष्ण गायक र क्षेत्रीय सदस्य नारायण शर्माको अथिति आसनग्रहण पश्चत ज्ञात अज्ञात सहिदहरुप्रति एक मिनेट मौनधारण गरी अघि बढेको उक्त कार्यक्रममा उपस्थित सम्पूर्ण जनसमुदायहरूलाई शब्दद्वार विनोद जिसीले स्वागत गर्नु भएको थियो।
कार्यक्रमका प्रमुख अथिति बालाकृष्ण गायकले आफ्नो मन्तव्य राख्दै भन्नुभयो, ‘मई दिवस अर्थात मे १ विश्व श्रमिक मजदुरहरूको ऐतिहासिक, बलिदानी र गौरवमय दिन हो। मेशिन जस्तै चौबिसौ घन्टा काम गर्नुपर्ने परिस्थितिमा सन् १८८६ मे १ गते अमेरिकाको सिकागो शहरका मजदूरहरुले आम विद्रोह गरेर आठ घन्टा काम, आठ घन्टा मनोरञ्जन र आठ घन्टा आरमको अधिकार प्राप्त गर्न सफल भए ।
यो विश्व श्रमिक मजदुरहरको लागि आफैमा ऐतिहासिक जित थियो। तर विश्व श्रमिक मजदुरहरुले पूर्ण अधिकार, समानता र स्वतन्त्रता पाउन कम्युनिष्ट समाजवादी व्यवस्थामा मात्र सम्भव हुन्छ ।’
उक्त कार्यक्रममा आफ्नो विचार राख्नुहुने वक्ताहरुमा क्षेत्रीय सदस्य नारायण शर्मा र परिषद सदस्य हेम बिजी हुनु हुन्थ्यो । नगर सदस्य जीवन पराजुलीले अनलाइन माध्यमबाट सो कार्यक्रमलाई सम्बोधन गर्नु भएको थियो ।
