जयपुर । भारत राजस्थानको जयपुरमा मूल प्रवाअ अखिल भारत नेपाली एकता समाजकी कार्यकर्ता बिनिता थापाको श्रद्धाञ्जली सभा सम्पन्न भएको छ ।
मूल प्रवाहको जयपुर उत्तर तथा दक्षिण नगर समितिको आयोजनामा जुलाई ३०, २०२३ आइतबारका दिन श्रद्धाञ्जली सभा सम्पन्न भएको हो ।
थापाको स्मरणस्वरूप एक मिनेट मौनधारणपछि कार्यक्रममा मूल प्रवाह केन्द्रीय सदस्य मोहन गिरी, केन्द्रीय परिषद् सदस्य दीपा थापा, क्षेत्रीय सदस्य ओम थापा, महिला क्षेत्रीय विभागबाट कल्पना थापा, हुमा रजाली, मूल प्रवाह जयपुर दक्षिणका बलबहादुर खासु, दीपक थापा तथा कार्यक्रमका अन्य सहभागीले पनि बिनिता थापाले सङ्गठनप्रति गरेको योगदानको चर्चा गर्दै उहाँप्रति पुष्पाञ्जली अर्पण गर्नु भएको थियो ।
श्रद्धाञ्जली सभा कार्यक्रममा उपस्थित सबैले उहाँको निधनप्रति गहिरो दु:ख व्यक्त गर्दै शोकसन्तप्त परिवारलाई समवेदना व्यक्त गर्नु भएको थियो ।
थापाको निधन भएको नवौँ आयोजना गरिएको श्रद्धाञ्जलीको सञ्चालन टङ्क थापाले र अध्यक्षता रिम रानाले गर्नुभएको थियो ।
लामो समयसम्म जयपुरमा रहँदा मूल प्रवाह मातहतका महिला समिति र कलाकारिता क्षेत्रमा उल्लेखनीय योगदान दिनुभएकी विनिता थापा स्वदेश फर्केपछि सपरिवार पोखरामा आफ्नै व्यवसाय गरी बस्दै आउनुभएको थियो । २०८० साउन ६ गतेका दिन उहाँको असामयिक निधन भएको थियो ।
