वडीगाड गापा १०, चिसापानी निवासी श्री रमेश सुनारकी २४ वर्षीय श्रीमती मिना सुनार यही मिति २०८१ असार १९ गतेका दिनदेखि घरपरिवारबाट सम्पर्क विहिन भएकी छिन् । उनको साथमा ४ वर्षकी छोरी अम्मर सुनार पछि रहेको बताइएको छ । निज मिना सुनारले उल्लेखित मितिका दिन छोरीलाई लिएर जालन्धर जानका लागि बुटवलबाट लु १ ख ९९५५ नम्बरको बसमार्फत कृष्ण नगर बढ्नी बोर्डर हुँदै भारत प्रवेश गरेको हामीलाई राजमो वडीगाड गापा १०का वार्ड अध्यक्ष पूर्ण बहादुर विकले बताएका छन् । विकले मूल प्रवाह अखिल भारत नेपाली एकता समाज समक्ष मिना सुनारको खोजी कार्यको लागि निवेदन दिएका छन् ।

हराएकी भनिएकी मिना सुनार र उनका श्रीमान रमेश सुनार जालन्धरमा बस्दै आएता पनि केही समय पहिला नेपाल गएका थिए । नेपालबाट केही दिनको बसाई पछि रमेश जालन्धर फर्किएको र त्यसको दुई÷तीन दिनमा मिना सुनार र उनकी छोरी जालन्धरका लागि नेपालबाट फर्किएको घर परिवारले बताएका छन् । गाडि स्टापको भनाई अनुसार मिना चण्डीगढको जिरकपुरमा ओर्लिएकी थिइन् । हालसम्म उनी श्रीमान र घरपरिवारको सम्पर्कमा आएकी छैनिन् । उनले चलाउने मोबाइल नम्बर 9041084427, 8968465344 पनि स्वीचअफ रहेको छ । निजलाई कुनै महानुभावले फेला पारेमा वा भेटेमा नजिकको मूल प्रवाह अखिल भारत नेपाली एकता समाजमा वा उनको श्रीमान रमेश सुनार 8360744427  एवं राष्ट्रिय जनमोर्चा कार्यालय बाग्लुङ ००९७७६८५२०१२८ तथा राजमो वडीगाड ००९७७९८४८५९४२८९ मा जानकारी दिनुहुन विनम्र अनुरोध गरिन्छ ।