रोहतक । मूल प्रवाह अखिल भारत नेपाली एकता समाज नगर समिति महिला विभाग रोहतकद्वारा आयोजित प्रगतिशील तीज विशेष कार्यक्रम सम्पन्न भएको छ ।
क्षेत्रीय सदस्य रेशम विक एवं नगर अध्यक्ष सुभाष गौतमद्वारा संयुक्त रुपमा कार्यक्रमको उद्घाटन गर्नुभयो थियो । कार्यक्रमको अध्यक्षता उषा विकले र धर्म सुनार प्युठानीको सञ्चालनबाट अगाडि बढेको सो कार्यक्रममा उपस्थित जनसमुदायलाई महिला विभागकी कमला गौतमले शब्दद्वारा स्वागत गर्नुभएको थियो ।
कार्यक्रममा समितिका संस्थापक सदस्य एवं नगर समितिका पूर्व नगर सदस्य गणेश शर्मा जीलाई विदाई गरियो । कार्यक्रमका प्रमुख अतिथिले दोसल्ला ओडाई रातो टिका र माला लगाएर शर्मालाई सम्मान गरिएको थियो । नगर समितिका अध्यक्ष सुभाष गौतमले गणेश शर्मालाई समाजको तर्फबाट गिफ्ट प्रदान गर्नुभयो । कार्यक्रममा उपस्थित अतिथिका र फूलमाला लगाएर सम्मान गर्दै उहाँको विदाई गरिएको छ।
सिटी एरिया समितिबाट हेमन्त भुसाल, मुद्दा विभागबाट सन्तराम विक, दिल्ली बाइपास टोल समितिबाट ओमनाथ भट्टराई, सिभिलाइन एरियाबाट दीपक परियार, सुभाषनगर टोल समितिबाट चन्दन परियार, सुखपुरा चोक टोल समितिबाट राजु सुनार, सेक्टर एक टोल समितिबाट संजय परियार, अस्लवोर टोल समितिबाट सरस्वती सुनार, साँस्कृतिक विभागबाट कमला गौतम, समता विभागबाट विक्की परियार, जनजाति बिभागका खेम बहादुर कुमाल र महिला विभागकी संयोजक अनिता परियारले शुभकामना मन्तव्य राख्नुभएको थियो ।
