नयाँ दिल्ली । रोजगारका शिलसिलामा देश छोडेर प्रदेश पुगेका जो कसैलाई पनि अपन्त्वको अभावको पूर्ति दूतावासले नै गर्नु पर्ने हुन्छ । तर मंगलबार दिल्लीमा दाङका गोबिन्द खत्रीको निधन हुँदा उनका साथीहरुले कैयौं पटक फोन गरे तर उठेन । उठ्यो त केवल गोबिन्दको देहलिला ।

दाङको बङ्गलाचुली गाउँपालिका– ६ तिमीले निवासी मानबहादुर खत्रीका छोरा ४२ वर्षिय गोबिन्द खत्रीको नयाँ दिल्लीमा मंगलबार दुःखद निधन हुँदा र उनका सहयोगी साथीहरुले सहयोगका लागि हात फैलाए तर कतैबाट आएन । लामो समयदेखि पेट सम्बन्धि विरामी रहेको र आर्थिक अभावका कारण समयमै उपचार हुन नसक्दा गोबिन्दले जीबनबाट दुःखद रुपमा विदा लिनु पर्यो ।

निधन हुने अघिल्लो दिनसम्म पनि खत्रीले आफूलाई नेपाल लैजान आग्रह गरेको तर दूतावासले वेवास्ता गरेका कारण नेपाल पुर्याउन नसकिएको उनका साथी शिवु भट्टराइले बताए । “शव नेपाल लैजान नेपाली दूतावासबाट सहयोगको अपेक्षा सहित फोन सम्पर्क गर्न खोज्दा दूतावासको फोन उठेन” शिवु भट्टराइले भने– “खत्रीले लकडाउनका कारण काम नचलेको तथा आर्थिक अभावका कारण उपचार हुन नसक्दा मृत्यु भएको हो ।”

यो एउटा प्रतिनिधि मुलक घट्ना हो । यस्तै कैयौं गोबिन्दहरुले सरकार र सरकारका सम्बन्धित निकायलाई हारगुहार गर्दा कानमा तेल हालेर बसेकै कारण ज्यान गुमाउनु परेको छ । चाहे त्यो रेलको यात्रा होस् वा बसको यात्रामा कैयौं नेपालीहरुले अपमानित हुनु पर्ने र ज्यान गुमाएका कैयौं घटनाहरु छन् ।

घटना घट्छ, त्यो स्वभाविक रुपमा लिनु पर्ने हुन्छ तर घटना हुन पूर्व जानकारी गराउँदासम्म वा गराउन खोज्दासम्म पनि सरकारले खटाएर पठाएको दूतावास र उसका कर्मचारीहरु गम्भिर नहुँदा जो कसैलाई पनि दुःख लाग्छ ।

हो, वर्तमान समय कोरोना भइरस संक्रमण महामारी कै रुपमा फलिरहेको अवस्था छ । तर पनि दूतावासले फोनसम्म भए पनि उठाउनु पर्ने कि नपर्ने ? समस्याको समाधान त गर्न सकेन सकेन कमसिकम आम सर्वसाधारणलाई आफ्नो सरकारको प्रतिनिधि छ भन्ने महशुस दिलाउने कि नदिलाउने ?

उनको काजकृया खर्चमा सहयोग गर्न चाहनु हुने आफन्त तथा अन्य महानुभावले घर परिवारलाई सहयोग गर्न सक्नु हुनेछ । सहयोगका लागि पेटियम नम्बर ८२८७३४५५१२ र प्रकाश खत्री, विजय बैंक, खाता नम्बर ६०६६०१०१२०००१४०, ifsc coard:vijb0006066 जारी गरिएको छ ।

भिडियो यहाँ हेर्नु होस् (गोविन्द खत्रीका साथीहरुको राजदूतप्रति रोष प्रकट गर्दै)