नयी दिल्ली । मूल प्रवाह अखिल भारत नेपाली एकता समाज नई दिल्ली नगर समिति अन्तर्गत महिला विभागको आयोजनामा तीज मिलन कार्यक्रम सम्पन्न पारिएको छ । कार्यक्रम मायाँ कुँवरको अध्यक्षता र लक्ष्मी खडायतको सञ्चालनबाट अगाडि बढेको थियो ।
ज्ञात अज्ञात शहिदहरुको संझनामा एकमिनेट मौनश्रद्धाञ्जली पछि कार्यक्रममा सहभागीहरुलाई सरस्वती शर्माले स्वागत गर्नुभएको यिो ।
केन्द्रीय सदस्य एवं पश्चिमोत्तर क्षेत्रीय सचिव शिव केसीको प्रमुख आतित्थ्यता रहेको उक्त कार्यक्रममा केन्द्रीय सल्लाहकार तिलक पाण्डे, विन बहादुर कुँवर, क्षेत्रीय समितिबाट दिनेश पन्थी, साँस्कृतिक विभागबाट पहलसिंह परियार, महिला क्षेत्रीय विभागबाट मिना खनाल, नई दिल्ली नगर समितिबाट विष्णु खनाल, पदम भुजेल लगायतको आतित्थ्यत रहेको थियो ।
कार्यक्रममा कमला खड्का, गीता आचार्य, बसन्ता थापाले पनि कार्यक्रम सफलताको शुभकामना दिनुभएको थियो ।
कार्यक्रममा सहभागि महिला कार्यकर्ताहरुले भव्य तीज गित प्रस्तुत गरि रंगारंग साँस्कृतिक कार्यक्रम प्रस्तुत गरेका थिए । आयोजकको तर्फबाट दरखाने कार्यक्रमको व्यवस्था समेत गरिएको थियो ।
