रोपड, १२ मार्च । मूल प्रवाह अखिल भारत नेपाली एकता समाज नगर समिति रोपड अन्तर्गत टोल समितिका सक्रिय सदस्य टेक बहादुर लुङ्गेली वर्ष ५५ को ह्रदयघातका कारण असमायिक निधन भएको छ ।
टेक बहादुरको निधन पछि मूल प्रवाहका केन्द्रीय सचिव प्रेम सापकोटाले संगठनको झण्डा ओढाएर सम्मान सहित गरिएको अन्तीम सँस्कारमा परिवारिक सदस्यहरु, आफन्तजन तथा मूल प्रवाहका कार्यकर्ताहरु समेतको सहभागिता रहेको थियो ।
मृतक टेक बहादुर लुङ्गेलीको अन्तिम सँस्कार पछि एकमिनट मौनधारण सहित श्रद्धाञ्जली दिईएको जानकारी मूल प्रवाहका केन्द्रीय सचिव प्रेम सापकोटाले दिनुभएको छ । टेक बहादुर लुङ्गेली धनुषा जिल्ला धारापानी गाउँपालिका निवासी तथा रोपडको घनौली स्थित अम्बुजा सिमेन्ट कारखानामा कार्यरत हुनुहुन्थ्यो ।
