खिमराज चालिसे,
चंडिगढ । जुम्ला जिल्लाको तातोपानी गाउँपालिका–७ का राम बहादुर रावतको छोरा १६ वर्षीय पदम सम्पकीविहीन भएका छन् ।
माघ ७ गते घरबाट मजदुरी गर्न भनी भागी हिँडेको उनी सम्पर्कविहीन भएको आफन्तले बताएका छन् । आफन्तको सम्पर्कमा नआएका पदमको मूल प्रवाह अखिल भारत नेपाली एकता समाजले खोजी गर्न पहल गरेको छ ।
५ फुट उचाइ, गहुँगोरो वर्ण र मध्यम शरीर भएका पदमको खोजी कार्यका लागि परिवारले स्थानीय प्रशासन र भारतमा मूल प्रवाहलाई गुहारेका हुन् ।
सुर्खेत जिल्ला प्रहरी कार्यालय र तातोपानी गाउँपालिका वडा कार्यालयकोसमेत सिफारिस लिएर पदमका बुबा र आफन्तहरु भारत आउन लागेको मूल प्रवाह हिमांचल राज्य समितिका सहसचिव मिथुन सिंहले जानकारी दिनु भएको छ।
परिवारले प्रहरीलाई दिएको जानकारी अनुसार पदम बहादुर रावत भारतको पंजाब राज्यको कनिना भन्ने ठाउँतिर भएको आशंका गरिएको छ।
