चिरञ्जीवी शर्मा
तिरुवनन्तपुरम केरला, 26 मार्च 2023 मूल प्रवाह अखिल भारत नेपाली एकता समाज तिरुवनन्त पुरम नगर समितिको आयोजनमा मूल प्रवाह अखिल भारत नेपाली एकता समाज दक्षिण भारत क्षेत्रीय सदस्य तथा नगर कोषाध्यक्ष घनश्याम शर्मालाई नगर समितीले बिदाई कार्यक्रम आयोजना गरि स-सम्मानित स्वदेश बिदाई गरेको छ।
1986 बाट नगर समितीमा रहेर निरन्तर एवं सकृयतापूर्वक आफ्नो जिम्मेवारी वहन गर्दै आउनु भएका शर्मालाई नगर अध्यक्ष टिकाराम मगर चिरञ्जीवी शर्मा लगायत उपस्थिती सबैले वहाँलाई सम्मान र बिदाई गर्दै आगामी दिनको लागि शुभकामना दिनु भयो । सो अवसरमा घनश्याम शर्माले आफु जागिरबाट अबकाश लिई स्वदेश गएता पनि सबैलाई निरास नगर्ने र स्वदेशमै रहेर श्रमजिवी वर्गको उद्वार र उत्थानको लागि आफुले सक्दो योगदान पुराउने प्रतिवद्धता व्यक्त गर्नु भएको थियो।
भेष बहादुर नेपालीको अध्यक्षता र नगर सचिव ईश्वर बिकको संचालनमा अगाडि बढेको बिदाई कार्यक्रम समारोहमा मूल प्रवाह अखिल भारत नेपाली एकता समाज दक्षिण भारत क्षेत्रीय सदस्य चिरञ्जीवी शर्माको अतित्थ्यता रहेको थियो। ज्ञात अज्ञात सहिदहरु प्रति एक मिनट मौनधारण पछि हरिलाल शर्माले उपस्थित जनमानसहरुलाई शब्दबाट स्वागत गर्नु भएको थियो।
