खिम राज चालिसे
चण्डीगढ, 22 अप्रेल 2023, भारतको पंजाब राज्य अन्तरगत रोपडमा अन्तर्राष्ट्रिय एकताको लागी प्रवासी नेपाली जनताको मंचको आयोजनामा नेपाल कम्युनिष्ट पार्टीको ७५ औं स्थापना दिवश तथा विश्व सर्वहारा वर्गका महान नेता का. लेनिन को 155 आैं जन्मदिवश समारोहको कार्यक्रम भव्य र सानदार रुपमा सम्पन्न गरिएको छ।

कार्यक्रममा मूल प्रवाहका केन्द्रीय सचिव एंव सुदुर पश्चिमोत्तर क्षेत्रीय अध्यक्ष प्रेम सापकोटाले सम्वोधन गर्दै कम्युनिष्ट आन्दोलन अन्तर्राष्ट्रिय रुपमा रक्षात्मक अवस्थामा रहेको हुदा हामी षोषण विहिन समाजको निमार्णको लागि मार्क्सवाद लेनीनवाद तथा माओ विचारधारालाई सैद्धान्तिक हथियार र रक्षाकवचको रूपमा अपनाएर अगाडी बन्नुपर्ने धारणा व्यक्त गर्नु भएको थियो । अन्य वक्ताहरु केन्द्रीय परिषद सदस्य मदन थापा, बिल बहादुर गुरुङ, क्षेत्रिय सदस्यहरु छबीलाल सापकोटा, मन्जु थापा, शिवलाल लामीछाने, दयाराम लामीछाने, महिला क्षेत्रिय संयोजक सिता सापकोटा , जनजाती विभागका लाल बहादुर थापा, नगरका नेताहरु नन्दलाल सापकोटा, दुर्गा लामिछाने टिका देवी सापकोटा लगाएतले गहकिला विचार राख्नु भएको थियो।

बिष्णु गुरुङको संचालनमा तथा ओमप्रकाश सापकोटाको अध्यक्षतामा सम्पन्न कार्यक्रममा भिम कार्कीले सहभागीहरूलाई स्वागत गर्नु भएको थियो ।